Saturday , July 2 2022

Shoot-to-kill sa narco-cops (P2-M reward sa tipster); Kahit kaalyado ‘di patatawarin


DALAWANG milyong pisong pabuya ang ibibigay ni Pangulong Rodrigo Duterte sa sino man ang makapagbibigay ng impormasyon sa aktibidad ng pulis na sangkot sa droga.

Sinabi ni Pangulong Rodrigo Duterte sa kanyang talumpati sa Ozamiz City kahapon, P2 milyon ang patong sa ulo ng bawat narco-policeman at kapag nakompirma ang impormasyon kaugnay sa illegal activities niya ay bigla na lang ‘itutumba.’

“Kayong mga pulis nasa droga o nanlayas, ang bayad ko sa ulo ninyo P2 million. No questions asked. Hindi ako magtatanong kung sinong pumatay sa iyo. Que se joda. I want you there down dead,” anang Pangulo.

Inatasan ni Pangulong Duterte si PNP chief, Director General Ronald dela Rosa na maghanda ng listahan ng narco-policemen upang masimulan na ang pagpupurga sa hanay ng pulisya.

“You know, kayong mga pulis, meron din kayong… Kaya rito, I am ordering the PNP Chief, nandito man si Bato, to order somebody there in Crame to prepare a list,” sabi ng Pangulo.

Nagbabala rin ang Pangulo sa mga tagasuporta niya sa politika na sabit sa illegal drugs, hindi sila absuwelto sa drug war ng kanyang administrasyon.

“E Davao, makita naman. Nakapunta na kayo lahat doon. May droga. Pero sabi ko sa ‘yo, maglaro ka doon patay ka talaga. ‘Yung p****** i** Dela Cruz na ‘yun, tagarito, taga-Davao ‘yan. Halos pamilya niyan walang ginawa kung ‘di kalokohan. O tingnan mo, umuwi, e ‘di patay. Hindi kita… Wala akong… Pero to think na ‘yang pamilya na ‘yan, puro Duterte ‘yan sa eleksiyon,” sabi ng Pangulo.

“‘Pag sinabi ko sa ‘yo, ‘pagka gano’n walang kaibigan, kaibigan sa akin. Either patayin kita or patayin mo ako, pareho lang sa akin. Basta, stop I said, playing with drugs,”giit niya.

ni ROSE NOVENARIO

About Rose Novenario

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply