Wednesday , December 1 2021

Narco-judges isusunod na — Digong (32 itinumba sa Bulacan ikinatuwa)

TINIYAK ni Pangulong Rodrigo Duterte na isusunod na sa drug war ng kanyang administrasyon ang “narco-judges” o ang mga hukom na sangkot sa illegal drugs.

“Dito may judges, inihuli ko sa listahan para huli silang patayin,” ani Duterte habang hawak ang updated narco list at itinuturo ang mga pangalan ng mga husgadong pasok sa illegal drugs.

Grabe aniya ang “injustice” na nagaganap sa bansa dahil sa mga tiwaling hukom na pinapatagal ang paglilitis sa hawak na kaso nang hanggang 20 taon.

Inamin ng Pangulo na hindi niya kayang ganap na lipulin ang illegal drugs sa bansa gaya ng kanyang campaign promise, at maging ang Amerika na malaking bansa aniya ay hindi rin kinayang tuldukan ang problema sa illegal drugs.

Muling iniugnay ng Pangulo ang pagpapaliban ng barangay elections na nakatakda sa Oktubre, sa illegal drugs dahil tiyak na popondohan ng narco politicians ang mga manok nilang nais iluklok sa barangay para maging palaruan ng kanilang ilegal na negosyo.

Binanggit din ng Pangulo na ang narco-politicians na pamilya Espinosa sa Albuera, Leyte, at Parojinog sa Osamiz City, ay ginamit ang drug money upang mangunyapit sa kapangyarihan sa napakahabang panahon.

Sa mga nasabing lugar aniya ay ipinatutumba ang mga kalaban ng mga Espinosa at Parojinog at maging mga pulis na tumangging sumunod sa kanila.

Nakatakdang bumisita ngayon sa Osamiz City si Pangulong Duterte upang personal na bantaan ang mga pulis na nagpagamit sa mga Parojinog.

ni ROSE NOVENARIO

32 ITINUMBA
SA BULACAN
IKINATUWA
NI DUTERTE

IKINATUWA ni Pangulong Rodrigo Duterte ang pagpatay ng mga pulis sa 32 kataong sangkot sa illegal drugs sa magkakahiwalay na operasyon sa iba’t ibang bayan sa Bulacan.

“‘Yung namatay daw kanina sa Bulacan, 32, in a massive raid. Maganda ‘yun. Makapatay lang tayo ng mga another 32 everyday then maybe we can reduce the — what ails this country,” anang Pangulo hinggil sa ulat na 32 drug suspects ang napaslang ng mga pulis sa anti-drugs operations sa Bulacan mula Lunes ng gabi hanggang Martes ng umaga.

“Ayaw lang kasi maniwala ng mga tao. Well, hindi ‘yun ano… ‘Yung the… Well, of course, we are all bleeding hearts here because most of you are really victims of crime and criminality and extreme negligence,” wika ng Pangulo sa kanyang talumpati sa anibersaryo ng Volunteers Against Crime and Corruption (VACC) kahapon sa Palasyo.

Inaasahan ni Pangulong Duterte na aani siya muli ng batikos sa human rights advocates sa madugong anti-drug operations sa Bulacan.

Binigyan-diin ng Pangulo, ang direktiba niya sa militar ay wasakin ang drug apparatus kaya pasensiya na lang ang mapapatay sa anti-drug operations.

“Ang order ko sa military at pulis, destroy the apparatus, ‘pag namatay ka, pasensiya ka, pumasok ka diyan,” dagdag niya.

Ngayon lang aniya nagtatrabaho nang tama ang mga pulis sa panahon ng kanyang administrasyon dahil suportado niya hindi gaya ng mga nakaraang pamahalaan na pinababayaan ang mga awtoridad.

(ROSE NOVENARIO)

 

About Rose Novenario

Check Also

Hataw Frontpage Bong Go umatras sa 2022 prexy race

Bong Go umatras sa 2022 prexy race

ni ROSE NOVENARIO             TINULDUKAN ni Sen. Christopher “Bong” Go ang kanyang ambisyong maluklok bilang susunod …

Sa Bulacan
MOTORNAPPER, 4 PUGANTE TIMBOG SA POLICE OPS

INARESTO ng mga awtoridad ang isang kawatan ng motorsiklo at apat na pugante sa magkakahiwalay …

Daniel Fernando Covid-19 Vaccine Bulacan

100K Bulakenyo target bakunahan
3-ARAW NATIONAL COVID-19 VACCINATION DAY SINIMULAN

SINIMULAN ng lalawigan ng Bulacan ang pagbabakuna sa mga Bulakenyo sa lahat ng sektor sa …

3 tulak tiklo sa droga (Sa Pasig) Edwin Moreno

Sa Pasig
3 TULAK TIKLO SA DROGA

NASAKOTE ng mga awtoridad ang tatlong hinihinalang tulak ng ilegal na droga sa ikinasang buy …

Mary Mitzi Mitch Cajayon-Uy

Cajayon-Uy:
OMBUDSMAN, KAILANGANG REPORMAHIN

KASUNOD ng pagpapawalang-sala sa kanya ng Sandiganbayan sa mga kasong graft at malversation noong 12 …

Leave a Reply