Wednesday , July 6 2022
AKSYON AGAD ni Almar Danguilan
AKSYON AGAD ni Almar Danguilan

Cause & effect sa magulong desisyon ng Ombudsman sa Puerto Princesa

LABAN at bawi na desisyon ng Office of the Ombudsman ang nagpapalala sa situwasyon sa lungsod ng Puerto Princesa.

Ang ugat ng gulo o nagpapalito sa mamama-yan ng Puerto Princesa ay kaugnay sa magulo at nakalilitong desisyon ng ahensiya hinggil sa kaso ng nakaupong alkalde ng lungsod na si Lucilo Bayron.

Noong 18 Nobyembre 2016, nagpalabas ng desisyon ang Ombudsman na sibakin si Bayron matapos mapatunayan na may nagaganap na “nepotism” nang kuning kawani sa city hall ang kanyang anak na si Karl.

Ang mas malala rito, itinanggi ng alkalde ang kanyang relasyon kay Karl.

Dahil dito, umupo ang bise na si Luis Marcaida III noong 24 Pebrero 2017 sa utos ng DILG batay na rin sa desisyon ng Ombudsman.

Pero, noong 20 Marso 2017, nagpalabas uli ng deisyon ang Ombudsman. Binawi ang unang desisyon at ipinasususpendi nang tatlong buwan ang alkalde makaraang tumakbo ng saklolo sa Court of Appeals (CA).

Ngunit, heto na naman ang Ombudsman – 28 Hulyo 2017, binawi ng Ombudsman ang suspension order. Ipinababakante muli kay Bayron ang posisyon.

Ang gulo!

Dahilan para tumakbo sa DILG central office si Marcaida para linawin ang lahat. Anang DILG kay Marcaida, nakipag-ugnayan na sila sa Ombudsman na linawin mabuti ang lahat bago iimplementa ang pinakahuling desisyon.

Ngunit, hindi naman ito ang inaaalala ni Marcaida — ang desisyon — dahil hindi naman siya nag-aapura sa pag-upo bukod sa kaibigan at kapartido niya si Bayron, sa halip ang pinanga-ngambahan ng bise, ang paninira sa kanya.

May local group leaders na kumikilos sa apat na sulok ng lungsod. Ipinagkakalat na si Marcaida ay kabilang daw sa talaan ng narco-politicians ni Pangulong Duterte.

Nagpapapirma pa nga raw ng campaign signature ang ilan sa group leaders.

Pero sa hawak na talaan ng Palasyo o ni Pangulong Digong, hindi kabilang si Marcaida sa listahan. Meaning malinis ang bise.

Ngayon, dahil sa ginagawang paninira kay Marcaida, nangangamba siya para sa kaligtasan ng kanyang pamilya.

Ang masaklap, ayon kay Marcaida, ang de-molition job o open letter na nagsasangkot sa kanya sa illegal drug activities ay ipinadala sa Malacañang.

“Siyempre natatakot ako baka ang mga taong nasa likod nito ay may masamang binabalak sa akin o ‘di kaya sa aking pamilya at palalabasin nila na ako ay isang narco-politician,” pangamba ng bise alkalde sa isang presscon sa Quezon City kamakailan.

Katunayan, personal na beneripika ni Marcaida kung kabilang ang kanyang pangalan sa narco-politicians list ni Pangulong Digong at napatunayan niyang wala siya sa listahan.

Isa sa pinangangambahan ng bise sa hakbangin laban sa kanya ay baka gagawa ng senaryo ang mga nasa likod ng poison letter na magresulta sa malalang situwasyon — hindi lamang sa kanya kundi maging sa kanyang pamilya.

Kaya sa pamunuan ng Ombudsman, lalo sa humahawak sa kaso ni Bayron, ano ba talaga ang desisyon ninyo?!

Manindigan po kayo!

Aba’y kita n’yo naman siguro ang masamang epekto ng magulong desisyon ninyo. Hindi lang buhay ni Marcaida ang naaapektohan kundi ma-ging ang kanyang pamilya.

Sa Ombudsman, linawin ninyo ang lahat. Huwag ninyong hintayin na dumanak pa ang dugo sa Puerto Princesa. Pamilya na ni Marcaida ang pinag-uusapan dito na apektado nang todo.

AKSYON AGAD – Almar Danguilan

About Almar Danguilan

Check Also

FIRING LINE ni Robert B. Roque, Jr.

RIP, Nonoy Andaya

FIRING LINEni Robert B. Roque, Jr. ITINAKDA ngayong araw ang inurnment ni dating Camarines Sur …

AKSYON AGAD ni Almar Danguilan

Patay muna aso bago turok ng bakuna

AKSYON AGADni Almar Danguilan KAPAG namatay na ang aso, saka lang babakunahan para sa anti-rabies …

PROMDI ni Fernan AngelesI

MOA ni Gina Lopez, ibasura na

PROMDIni Fernan Angeles NANANAWAGAN ang mga katutubong magsasaka at mga residente ng Sitio San Roque, …

Dragon Lady Amor Virata

Kagulat-gulat na anunsiyo ni Parañaque newly elected mayor

Isumbong mokay DRAGON LADYni Amor Virata FIRST time in history sa local government ng Parañaque, …

Sipat Mat Vicencio

‘Butas ng karayom’ ang papasukin ni Bongbong

SIPATni Mat Vicencio ANG pormal na panunumpa ni Ferdinand “Bongbong” Marcos, Jr., bilang ika-17 pangulo …

Leave a Reply