Friday , March 29 2024
FIRING LINE ni Robert B. Roque, Jr.
FIRING LINE ni Robert B. Roque, Jr.

‘Kapag Puno na ang Salop’

TULAD ng pamagat ng isa sa mga pelikula ng yumaong aktor na si Fernando Poe Jr. na “Kapag puno na ang salop” ay napuno at naubusan na rin ng pasensiya si President Duterte sa mga komunista at pati na sa kanilang lider na si Jose Maria Sison.

Si Sison na founding chairman ng Communist Party of the Philippines (CPP) ay dati rin naging propesor ni Duterte noong nag-aaral pa.

Pero sa kabila nito ay masasabing umapaw na ang galit ng Pangulo dahil sa patuloy na pana-nalakay at pananambang ng mga miyembro ng New People’s Army (NPA), ang armed wing ng CPP, sa mga puwersa ng gobyerno.

Pati nga naman ang convoy ng Presidential Security Group (PSG) sa Arakan, North Cotabato ay pinaulanan nila ng bala. Mabuti at armored ang sasakyan at nakalayo na noon ang Pangulo sa lugar na tinambangan.

Sa sobrang galit ni Duterte ay binatikos at ininsulto niya si Sison dahil sa karuwagan. Naghamon ang Pangulo na kung tunay na revolutionary leader si Sison ay umuwi siya sa Filipinas at dito makipaglaban sa halip na nagtatago sa Netherlands.

Namamatay na raw sa gutom ang mga tauhan niyang komunista rito sa bansa samantalang si Sison ay nagpapasarap sa buhay habang pinakakain at ginagastusan ng ibang gobyerno.

Nagmatigas si Sison at tumangging umuwi. Hindi raw siya puwedeng utusan sa kung anoman ang kanyang gagawin. Pero sa palagay ng iba ay umiiwas lang siya at talagang pinabayaan na ang kanyang mga tauhan para magpasarap sa buhay.

Hinimok ni Duterte ang mga rebeldeng komunista na sumuko sa gobyerno. Hindi raw niya kukunsintihin ang kanilang pangingikil at ilegal na mga gawain. Handa raw siyang tulungan sila na magbagong-buhay at mabigyan ng disenteng trabaho.

Sa katunayan ay inalok pa niya ang mga su-sukong miyembro ng NPA na gagawin silang sundalo ng Armed Forces of the Philippines (AFP) kung gugustuhin nila.

Kailangan lang daw nilang dumaan sa anim na buwang pagsasanay bago niya gawing ka-wal. Bukod pa rito ay bibigyan daw sila ng lupa at bahay.

Sumasang-ayon ang Firing Line na ang lahat ay may karapatan na magbago. Pero sana ay maghinay-hinay rin ang Pa-ngulo at pag-isipan ito nang husto.

Hindi magiging madali para sa ating mga sundalo na makahalubilo sa trabaho ang mga rebeldeng komunista na kanilang nakalaban sa loob ng ilang dekada.

Alalahanin na ang iba sa ating mga kawal ay nawalan ng kanilang kaanak at kaibigan sa kamay ng mga komunista. Hindi ito madaling mabura sa alaala.

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

FIRING LINE – Robert B. Roque, Jr.

About Robert B. Roque, Jr.

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *