Friday , March 29 2024

2 bugaw arestado, 17 dalagita nasagip ng NBI sa private resort

INIHARAP sa media ng mga opisyal ng National Bureau of Investigation – Anti-Human Trafficking Division (NBI-AHTRAD) ang inarestong mga suspek na sina Glady Dulot at Cherry Ann Lascano, habang sinagip ang 17 dalagitang sinasabing kanilang ibinubugaw sa isang private resort sa Caloocan City. (BONG SON)
NASAGIP ng mga tauhan ng National Bureau of Investigation Anti-Human Trafficking Division (NBI-AHTRAD) ang 17 dalagita mula sa kamay ng mga bugaw sa isang private resort sa lungsod ng Caloocan, kahapon.

Ayon kay NBI Director Dante A. Gierran, arestado ang dalawang babaeng hinihinalang mga bugaw na sina Glady Dulot at Cherry Ann Lascano.

Habang nasagip ang mga biktimang may edad 13 hanggang 17-anyos.

Ayon kay NBI Director Gierran, ikinasa ang operasyon bunsod nang natanggap nilang impormasyon na may grupo ng mga bugaw ang nag-aalok sa mga menor de-edad para sa sekswal na serbisyo sa mga lala-king kliyente.

Dahil dito, agad nagsagawa ng entrapment operation at nagpanggap na mga parokyano ang mga ahente ng NBI.

Batay sa ulat, dakong 7:00 pm nitong Huwebes, dinala ng mga suspek na sina Dulot at Lascano ang mga menor de edad sa isang hindi tinukoy na private resort sa Caloocan City.

Lingid sa kaalaman ng mga suspek, nakapuwesto na ang iba pang mga operatiba ng NBI, katuwang ang mga kinatawan ng Department of Social Welfare and Development (DSWD), sa lugar na pinagdalhan sa mga dalagita, at doon sila pagpipilian ng mga parokyano.

Nabatid na P6,000 ang pres-yo ng mapipiling menor de edad habang P1,000 sa hindi mapipili bilang konsolasyon.

Inilipat sa kustodiya ng City Social Welfare ang mga menor de edad upang isailalim sa counseling.

Habang ang nahuling mga suspek ay sasampahan ng kasong paglabag sa RA 9208 (Anti-Trafficking in Persons Act, as amended) at RA 7610 o Anti-Child Abuse Law.

(BRIAN GEM BILASANO)

About Brian Bilasano

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *