HATAW! D'yaryo ng Bayan hatawtabloid.com
INIHAYAG ng Armed Forces of the Philippines, sasampahan nila ng kaso si Mae Paner, kilala bilang si Juana Change, nakitang nakasuot ng military uniform sa kilos-protesta sa ginanap na State of the Nation Address ni Pangulong Rodrigo Duterte nitong Lunes.
Sa press statement, sinabi ni AFP spokesperson Brig. Gen. Restituto Padilla, si Paner “has inappropriately used our military uniform and disrespected since she is not a member of the AFP nor a part of our reservists corps.”
“Her act of illegally using an AFP uniform is in violation of Art 179 of the RPC (Unauthorized Use of Uniforms) and RA 493 (Prohibition of Use of Insignias, Decorations, Badges and patches prescribed for the AFP),” ayon kay Padilla.
“We will take the necessary legal action to hold Ms Paner accountable,” dagdag niya.
Sinabi ni Padilla, hindi nila pipigilan ang performance artist sa pagsuot ng uniform “because each time she wears it is counted as one more violation. Hence she is compounding her liabilities all the more.”
Naging puntirya ng batikos ang mga retrato ni Paner makaraan itong i-post sa iba’t ibang social media accounts, kabilang ang Philippine Army Recruitment Office.
Sa post sa Facebook account, sinabi ni Paner, ang ginawa niya ay performance art kasabay ng pasasalamat sa mga tao sa pagsuporta sa kanya sa kabila ng tinanggap niyang mga pagbatikos.
“Hindi po ang uniporme ang pinoproteksiyonan ng mga suklam sa akin sa paggamit ko ng military uniform sa aking performance kundi ang pinaka-iniidolong presidente ng bayan. Salamat sa lahat ng mga nag-abalang mag-isip, dumepensa at magbigay liwanag. ANG SINING NANGGIGISING,” aniya.
“Yes, I will payt (fight) because people have given their lives wearing this uniform. Saludo sa mga sundalong tunay ang pagmamahal at sakripisyo para sa ating inang-bayan,” dagdag niya.
“Kaya mahalaga ang sining. Galing mambuska. Galing manggising. Lumalanding,” aniya pa.
Sinabi ni Padilla, dapat munang basahin ni Paner ang nabanggit na mga batas upang maunawaan kung bakit siya pananagutin.
“The malicious intent also betrays her motive,” aniya pa.
