Tuesday , July 5 2022

Shoot-to-Kill sa Kadamay (Occupy pabahay kapag inulit) — Duterte

NAGBABALA si Pangulong Rodrigo Duterte na ipababaril sa mga awtoridad ang mga maralitang militante kapag inulit ang pang-aagaw ng pabahay.

“Huwag ninyong gamitin ‘yang pagka-pobre ninyo to create chaos,” anang Pangulo sa kanyang talumpati sa Palasyo kamakalawa ng gabi.

Sinabi ng Pangulo, hindi niya papayagan na ulitin ng mga miyembro ng militanteng grupong Kadamay ang pag-agaw sa ibang proyektong pabahay ng pamahalaan.

“Kung uulitin ninyo iyan at pipilitin ninyong papasok, ang order ko talaga, paalisin kayo sa puwersa. Either batutain kayo o ‘pag lumaban kayo, ipagbabaril ko kayo,” aniya.

Anang Pangulo, hindi siya mangingiming magpalibing ng libo-libong aktibista kapag iginiit ng Kadamay ang anarkiya.

“May project ngayon, gusto na naman nilang kunin. Do not commit that mistake. Here and now, I will tell you, including the Congress of the Republic of the Philippines: You do anarchy, I will order the soldiers and the police to shoot. Even if I have to bury thousand of Filipinos. Huwag ninyo akong ganonin,” anang Pangulo.

Paliwanag ng Pangulo, walang pinipili ang pagpapatupad ng batas, sa mayayaman, at maging sa mga gumagawa ng gulo.

Hinamon niya ang mga militante na mag-lunsad ng rally o kahit tumira na sa kalsada hanggang anim na buwan

“Let us understand this beginning today, either we have laws in this country or we do not. We enforce the laws against the miners and the rich, but I will also enforce laws against anarchy, disturbance, and create trouble. Kayo rin, natatakot din e,” dagdag niya.

“Takutin ninyo ako na occupy the streets? Anak ng jueteng. You stay there, you ask for two days, I will give you six months. Huwag kayong umalis diyan. Kainin ninyo pati ‘yung dumi ninyo diyan,” aniya.

Nagalit ang Pangulo sa maka-kaliwang grupo nang tambangan ng New People’s Army (NPA) ang mga kagawad ng Presidential Security Group (PSG) kamakailan sa Arakan, North Cotabato kaya nagpasya na kanselahin ang backchannel talks sa mga lider-komunista.

ni ROSE NOVENARIO

About Rose Novenario

Check Also

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Malacañan

Family affair sa Palasyo
PARTY NG FIRST FAMILY ‘DI PERA NG GOBYERNO

WALANG gagamiting pondo ng bayan sa anomang party na idaraos ng First Family sa Malacañang, …

Bongbong Marcos BBM Imee Marcos

Sa pag-veto sa HB 7575
IMEE DESMAYADO
Pinagsasabong kaming magkapatid

ITO ang reaksiyon ni Senadora Imee Marcos matapos i-veto ng ni Pangulong Ferdinand Marcos, Jr., …

Bulacan Airport Special Economic Zone

Konstruksiyon ng airport sa Bulacan tuloy — Salceda

SA KABILA ng pag-veto ni Pangulong Ferdinand Marcos, Jr., sa House Bill 7575, tiniyak ni …

Ramon Zagala PSG Bongbong Marcos BBM

Non-PMAyer, DLSU PolSci graduate
UNANG PSG COMMANDER ITINALAGA NI MARCOS, JR

HINDI graduate ng Philippine Military Academy (PMA), sa halip ay sa De La Salle University …

Leave a Reply