Sundalo patay, 11 sugatan sa atake ng NPA sa Bukidnon

PATAY ang isang sundalo habang 11 iba pa ang sugatan makaraan atakehin ng mga miyembro ng New People’s Army (NPA) sa Bukidnon, nitong Sabado ng gabi.

Ayon sa pulisya, lulan ang 25 sundalo at militiamen sa military truck nang atakehin ng mga rebelde sa Brgy. Kitubo, sa bayan ng Kitaotao, dakong 10:30 pm.

Napag-alaman, pinasabugan ang military truck ng improvised explosive device at pagkaraan ay pinagbabaril sila ng mga rebelde.

Naglunsad ng pursuit operation ang mga awtoridad laban sa mga rebelde na umatras makaraan ang 10 minutong sagupaan.