Super Tekla, umaasang magkaka-show muli (Jose Manalo puwedeng palitan sa EB)

Vir Gonzales July 22, 2017 Showbiz

HINDI lahat ng artistang sumisikat ay nakatira sa magagandang bahay. Noong interbyuhin ng Kapuso si Super Tekla, parang hindi makapaniwala ang mga nakapanood na ni walang sofa sa bahay ng komedyante.

Wala ring aircon o mamahaling gamit. O ni aparador na lagayan niya ng damit.

Sa siyam na buwang paglabas sa TV show ni Super Tekla sa Wowowin ni Willie Revillame, walang naipong pera ang komedyante. Katwiran nito, isinustento niya ang mga kinikita sa mga kapatid at amang maysakit na nasa Cebu.

Pinadadalhan din niya ang nag-iisang anak.

Sabi nga ng komedyante, paano siyang magsusugal kung walang maraming pera. Mahilig siya sa Bingo.

Nagpapasalamat siya kay Willie sa pagbibigay nito ng break sa kanya. Umaasa siyang muling bibigyang pagkakataon ang kanyang talent para maipakita kahit sa ibang show.