Tuesday , December 7 2021

45 construction workers iniimbestigahan sa rape-slay sa 17-anyos (Sa Pangasinan)

 

ISINAILALIM sa “buccal swabbing” ang 45 construction workers kaugnay ng isinasagawang imbestigasyon ng mga awtoridad sa pagkamatay ng grade 12 student, na nakitang nakalutang sa isang palaisdaan sa Basista, Pangasinan, at hinihinalang biktima ng panggagahasa.

Ayon sa ulat, sinabing lu-mabas sa resulta ng autopsy na “asphyxia by drowning” ang dahilan ng pagkamatay ni Joanna Rose Español, 17-anyos.

“Asphyxia by drowning. So iyon po ang cause of death niya ngunit mayroon na-notice na contusion sa (may) abdominal area [niya],” pahayag ni Senior Inspector Buenaventura Benavides III, hepe ng Basista Police.

Natagpuang patay at walang damit pang-itaas sa isang pa-laisdaan sa Brgy. Mapolopolo sa Basista, si Joanna Rose nitong Sabado makaraan mawala nang ilang araw.

Hinala ng ama ng biktima, trabahador sa isang construction site sa lugar ang nasa likod ng krimen.

“Kursunada. Dalawang tao raw ang kumuha ng number niya roon. ‘Yung gumawa sa kanya. [Sana] mahuli na siya o sumuko,” ayon kay Ruben Español, ama ng biktima.

Inimbitahan na ng pulisya ang mga construction worker sa naturang lugar.

“Actually ang number po nila is 45. So lahat po ng 45 na iyon ay ating iniimbestigahan. Tinanong-tanong lang po namin sila [at nagsagawa ng] tinatawag nilang buccal swabbing,” pahayag ni Benavides.

Bumuo na rin ng composite team ang PNP, NBI at CIDG para sa imbestigasyon sa pagkamatay ng biktima.

Nakipag-ugnayan ang mga awtoridad sa pamunuan ng paaralang pinapasukan ng biktima.

 

 

About hataw tabloid

Check Also

Sa Pasig
3 GINANG, 1 PA TIKLO SA DROGA

KALABOSO ang tatlong ginang at isang lalaki nang bentahan ng ilegal na droga ang tauhan …

Lolo, ginang, isa pa, nalambat sa buy bust

HULI ang tatlong tulak na hinihinalang drug personalities, kabilang ang isang lolo at ginang matapos …

PASKUHAN SA MAYNILA isko moreno

Hikayat ni Yorme
“PASKUHAN SA MAYNILA” BISITAHIN

INAANYAYAHAN ni Manila Mayor at presidential aspirant Francisco “Isko Moreno” Domagoso at ni Vice Mayor …

Cold Temperature

Pinakamalamig na temperatura naitala sa Baguio, NCR ngayong taon

INIHAYAG ng Philippine Atmospheric, Geophysical and Astronomical Services Administration (PAGASA) na naitala ang pinakamalamig na …

P500 500 Pesos

Suspek na 2 Chinese, Pinoy natakasan
MALAYSIAN KINIDNAP SA P500 RANSOM

SA KABILA ng limang daang pisong ransom money, natakasan pa rin ng Malaysian national ang …

Leave a Reply