Monday , November 29 2021

Turkish terror group ‘nilinis’ ni Gen. Año

 

IPINAGTANGGOL ni Armed Forces of the Philippines (AFP) chief of staff, Gen. Eduardo Año ang Fetullah Gullen Movement laban sa akusasyon ni Turkish Ambassador Esra Cankorur, na ito ay isang terrorist group.

Sa panayam sa Palasyo kahapon, sinabi ni Año, hindi ikinokonsidera ng AFP ang Fetullah Gullen Movement bilang isang teroristang grupo dahil ang aktibidad ng pangkat sa Filipinas ay tumulong sa mga pamayanan.

Aniya, maaaring may sariling basehan si Cankour sa pahayag na terror group ang Fetullah dahil idinadawit ang pangkat sa nabigong kudeta sa Turkey na internal na usapin ng bansa.

“The Fetullah Gullen movement we do not consider them as a terrorist group. Right now their activities here is helping the community. Probably the Ambassador of Turkey, may sarili siyang basis bakit niya sinabi ‘yan. You know what happened in Turkey,” tugon ni Año nang usisain hinggil sa pahayag ni Cankour.

Noong Setyembre 2013, pinarangalan ng AFP si Fetullah Gulen sa pagiging pilantropo sa bansa at kontribusyon sa kapayapaan ng Hizmet, “faith-based movement” na humango ng inspirasyon kay Gulen.

Ipinagmalaki ni Gulen sa kanyang website fgulen.com sa isang beef-sharing ceremony, na pinarangalan siya ni Philippine Army Gen. Leonardo Guerrero dahil tinatanaw na utang na loob ang mahahalagang aktibidad ng kanyang kilusan sa Filipinas.

Ayon kay Cankorur, aktibo ang grupo ni Gulen sa Filipinas simula noong 1997 sa pamamagitan ng paaralan nila sa Zamboanga at dalawa pang paaralan sa Maynila, at mga foundation.

“This is their façade, thinking them as civic education institutions and innocent charity organizations. That will be a huge mischaracterization, that is wrong. They are the façade. They talk about inter-faith dialogue, but they are concealing themselves,” anang Ambassador. (ROSE NOVENARIO)

About Rose Novenario

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply