Friday , March 29 2024

Ria Atayde, hahataw sa MMK at sa Wansapanataym

MAGKASUNOD na mapapanood this week si Ria Atayde sa MMK at sa Wansapanataym. Sa Sabado ang MMK at every Sunday naman sa Wansapanataym.

Kinuha namin ang reaction niya dahil tila nagiging suki siya sa Wansapanataym.

Tugon ni Ria, “Hindi naman po suki, bale pangalawa pa lang po. Pero as usual, grateful sa opportunity na naibigay sa akin. Na-miss ko rin po ‘yung Wansa team, super babait po kasi lahat.”

Ano ang role niya rito at sino-sino ang mga nasa cast? “Ako po rito si Reyna Maxima. Ako po ‘yung queen alien na nagpoprotekta sa mundo laban sa kasamaan at nagbigay ng superpowers. Mapapanood dito sina Awra Briguela, Ellen Adarna, Bianca Manalo, Carmi Martin, Roderick Paulate, Gee Canlas, Gerard Acao. Yun pa lang po ang nakikita ko.”

Sa MMK ay ikalawang labas na rin ni Ria, pero this time, si Ria ang letter sender.

Gagampanan ng magandang anak ni Ms. Sylvia Sanchez ang kuwento ng buhay ng Filipina-born Australian-based entrepreneur na si Hershey Hilado.

Ayon kay Ria, ibang challenge sa kanya ang episode na ito ng MMK. “Ibang challenge naman po ulit kasi, tough character si Hershey at may Fil-Aus accent! And she’s more morena and marami po siyang pinagdaanan na traumatizing experience, so maraming layers sa characterization,” saad ng aktres.

Paano mo pinaghandaan ang character na ginampanan mo rito? “Nanood po ako ng lahat ng videos ni Hershey sa YouTube. Finollow ko po siya sa IG. Super inobserbahan ko po siya para makita ‘yung nuances and mannerisms nya.

“Si Alyanna Angeles po is the young Hershey. Ryle Santiago, si Malick (kapatid). Then Aleck Bovick po ang nanay. With Simon Ibarra, Jordan Hwang, Denise Joaquin as the Ate of Hershey po and Celine Lim as the young version ng Ate,” saad ni Ria ukol sa casts ng MMK episode nila.

Sinabi rin niyang napasabak siya rito sa matinding drama. Kaya inusisa namin siya kung ano sa tingin niya ang magiging reaction ng mom and dad niya kapag napanood nila ang MMK sa Saturday?

“Hindi ko po alam pero so far, masaya po sila because first time po na ako ‘yung letter sender. Pangalawa na po ito for me (sa MMK), pero first po na ako ang letter sender, so nakakatuwa naman po. Super blessing po for me and ‘yung fact po na may naniniwala pala sa kakayahan ko po, nakatataba po ng puso at nakagagana lalo to learn more and improve myself.”

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *