Charity Diva Token Lizares, naluha
HINDI naiwasang maluha ng tinaguriang Charity Diva na si Token Lizares nang makita ang kalagayan ng kapatid sa panulat na si Richard Pinlac nang iabot ang kaunting tulong mula sa kanyang Reunited Concert na ang huli ang beneficiary.
Masyadong nabagbag ang puso ni Lizares nang makita si Richard sa ganoong kalagayan. Nasanay kasi ito na nakikita ang manunulat na very energetic at masayahin.
Dasal ni Lizares ang agarang paggaling ni Richard na isasabay niya sa kanyang panalangin at sa panalangin na rin ng mga kaibigang madre at pari sa Bacolod.
Sa ngayon, abala si Lizares sa kanyang album na within the year ay ilalabas laman ang mga awiting gawa ni Maestro Vhenee Saturno at ilan niyang komposisyon.
MATABIL – John Fontanilla
