HATAW! D'yaryo ng Bayan hatawtabloid.com
INOOBSERBAHAN sa pagamutan ang isang 27-anyos babae makaraan uminom ng pampalaglag ng sanggol sa Sta. Cruz, Maynila, kamakalawa.
Sumasailalim sa eksaminasyon ng mga espesiyalista ng Jose Reyes Memorial Medical Center si Jane Eguia, 27, sales clerk, ng LRC Compound, CM Recto Ave., Sta. Cruz, naagasan bunsod nang pag-inom ng Cytotec.
Ayon sa ulat ni PO2 Jonathan Ruiz ng Manila Police District (MPD) Homicide Section, nakatanggap sila ng tawag mula sa isang Allan Lamoste, security guard ng nasabing pagamutan, kaugnay sa isang pasyente na hinihinalang uminom ng pampalaglag.
Base sa imbestigasyon, dakong 7:00 am nang uminom ng Cytotec ang sales clerk at makaraan ang mahigit 12-oras, 7:45 pm, nang sumakit ang tiyan at dinugo, kaya isinugod sa nasabing pagamutan.
Habang kinompirma ng kasintahan na si Eden Desucattan, 23, ng Flerida St., Malabon City, nitong Martes ng umaga ay bumili ng 10 piraso ng Cytotec si Eguia sa Quezon Blvd., Quiapo, Maynila.
(BRIAN GEM BILASANO)
