TV host/actor, sariwa pa ang operasyong ginawa sa talukap

MEDYO matagal-tagal ding nabakante sa trabaho ang mahusay na TV host-actor na ito kaya laking gulat ng mga manonood na muli siyang tumambad na halatang may nabago sa hitsura ng kanyang mukha.

Eto ang nagtutumiling obserbasyon ng isang taga-showbiz upon seeing him grace the TV on weekends, ”Naku, hinding-hindi ako maaaring magkamali, nagpaayos ng talukap si (pangalan niya)! Hindi pa ba siya nakuntento sa kakapa-botox ng fez niya, heto’t eyelid naman niya ang napagtripan niya?”

Siyento porsiyentong sure ang aming source na hindi eyebags ang ipinatanggal ng TV host-actor. ”Halatang magkabilang eyelids niya ang ipinaayos niya. ‘Di ba, noon ngang nagpa-botox siya, eh, halos hindi na gumagalaw ang mukha niya? Kapag nagsasalita siya sa TV, eh, bibig na lang niya ang kumikislot-kislot!”

Da who ang TV host-actor na mukhang sariwa pa ang operasyon sa kanyang talukap? Itago na lang natin siya sa alyas na Edgardo Mansanilla.

(Ronnie Carrasco III)