MRS. Victoria Belo-Kho na ngayon ang kilalang beauty doctor of the stars dahil ikinasal na siya sa long time boyfriend at ama ng anak niyang si Scarlet Snow Biyernes ng tanghali sa bahay nila sa Dasmarinas Village, Makati City.
Ang Mayor ng nasabing lungsod na si Ms. Abby Binay ang nagkasal sa dalawa sa pamamagitan ng civil ceremony at si Scarlet Snow naman ang flower girl.
Nakita namin ang IG post ni Dra. Belo 30 minuto ang nakalipas bago namin sulatin ang balitang ito.
Base sa IG post ni Belo, ”I was afraid that I would feel like I would lose my freedom by getting married. Instead I feel joyful and free. Thank you #mayorabbybinay for officiating our civil wedding.”
Hindi naman namin nakita ang mga anak ni Vicky na sina Cristalle Henares-Pittat direk Quark Henares sa seremonyas kaya tinext namin ang huli.
Sagot sa amin ni direk Quark, ”nasa States ako Reggee.”
Anyway, binati muna namin sina Vicki at Hayden sabay tanong kung bakit wala sina direk Quark at Cristalle sa seremonya.
Hindi naman kami sinagot na ni Dr. Vicki hanggang matapos naming sulatin ito.
Inisip na lang namin na sa church wedding sa Paris, France dadalo ang magkapatid na Quark at Cristalle at iba pang pamilya nila na magaganap ngayong taon.
FACT SHEET – Reggee Bonoan
