BINAWIAN ng buhay ang isang volleyball coach makaran barilin sa sentido ng hindi nakilalang lalaki sa labas ng kanyang tindahan sa Molave Street, Brgy. Payatas, Quezon City, nitong Miyerkoles ng gabi.
Ayon sa ulat, pasado 11:00 pm, habang ang biktimang si Conrado Fonseca, Jr., ay naglalaro sa kanyang cellphone habang nakaupo, nang biglang dumating ang isang motorsiklo at siya ay binaril sa sentido.
Ayon sa pinsan ng biktima, dating gumagamit ng droga si Fonseca na nagta-trabaho bilang volleyball coach at referee.
Tumigil na aniya ang biktima nang isuko ng kamag-anak sa tanggapan ng isang konsehal at naging barangay volunteer.
Ngunit maaaring bumalik aniya sa paggamit ng shabu dahil muli siyang nagkaroon ng allergy sa balat na epekto ng paggamit niya dati.
(ALMAR DANGUILAN)
