HATAW! D'yaryo ng Bayan hatawtabloid.com
HABANG nagdurugo ang puso ni Pangulong Rodrigo “Digong” Duterte sa dami ng nasawi at nautas sa bakbakan sa Marawi, nagngangalit din ang galit sa kanyang dibdib dahil lalong nabubunyag ang walang habas na korupsiyon sa 6-taon administrasyon ni Noynoy Aquino.
At sino ang hindi magagalit?
Ang Liberal Party pa ang may ganang batikusin ang kasalukuyang administrasyon para pagtakpan ang kanilang atraso sa bayan.
Hindi na nakapagtataka kung bakit hindi sinipot ni Pangulong Digong si Vice President Leni Robredo sa Luneta para itaas ang higanteng bandila bilang paggunita sa ika-119 Araw ng Kalayaan.
Hindi kayang makipagplastikan ng Pangulo sa pinakamataas na opisyal ng Liberal Party. Ang partidong wala yatang ginawa kundi guluhin ang administrasyon ni PRRD.
Sabi nga ng isang political observer kahapon, iba ang hilatsa ng ngiti ni VP Leni sa Luneta.
Parang ngiting ‘nagdiriwang sa tagumpay’ kahit maraming kababayan natin ang nasawi at nautas sa Marawi.
Kaya sa gitna ng pagdadalamhati, iniutos ng Pangulo na simula kahapon, ilagay sa half-mast ang bandila sa lahat ng tanggapan bilang pagluluksa sa mga nasawing bayani ng bayan.
