Monday , April 15 2024
money thief

P.7-M koleksiyon tinangay ng tandem

TINANGAY ng hindi nakilalang riding-in-tandem na holdaper ang malaking halaga ng salapi sa tatlong kawani ng isang establisiyemento sa Valenzuela City, kamakalawa ng hapon.

Ayon sa ulat ng pulisya, habang sakay ng isang L-300 van (TGQ-791) patungo sa kanilang tanggapan sina Jhonny Eugenio, Danilo Bustamante at Dominic Llena makaraan kolektahin ang P700,000 cash sa mga kliyente ng kanilang kompanyang Tindahang Pinoy Commo-dities Inc., sa 2 Dalisay St., Serrano Subdivision, Marulas, Valenzuela City, nang harangin sila ng dalawang lalaking sakay ng isang motorsiklo, dakong 2:45 pm sa Little Tagaytay St., Brgy. Marulas.

Bumaba ang nakaangkas sa motorsiklo at tinutukan ng baril sina Bustamante at Llena na kapwa nakaupo sa harapan, habang ang driver ng motorsiklo ay nagtungo sa nagmamanehong si Eugenio at nagdeklara ng hol-dap.

Puwersahang kinuha ng mga suspek ang dalang bag nina Bustamante at Llena na naglalaman ng koleksiyon bago sumakay sa kanilang Yamaha Mio na walang plaka at tumakas patungo sa hindi batid na direksi-yon.

Humingi ng tulong ang mga biktima sa mga tauhan ng Valenzuela Police Community Precinct (PCP) 3, na agad nagsagawa ng follow-up operation ngunit hindi inabutan ang mga holdaper.

Samantala, inaalam ng pulis-ya kung may naganap na “inside job” sa insidente lalo’t batid ng mga suspek na may dalang malaking halaga ng koleksiyon ang tatlong kawani.

(ROMMEL SALES)

About Rommel Placente

Check Also

Rochelle Pangilinan

Rochelle inamin nakaramdam ng insecurity nang palitan sila ng EB Babes

MA at PAni Rommel Placente SA interview ni Rochelle Pangilinan sa Toni Talks ni Toni Gonzaga, inamin niyang nasaktan sila …

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

Leave a Reply

Your email address will not be published. Required fields are marked *