Thursday , February 29 2024

Pamana ni ‘Mama Sita’ pinarangalan ng Navotas

BINIGYANG-PARANGAL ng Pamahalaang Lungsod ng Navotas si Teresita R. Reyes, kilala bilang “Mama Sita” at nagtatag ng Marigold Manufacturing Corporation.

Iginawad ni Mayor John Rey Tiangco ang isang “plaque of appreciation” kay Clara Reyes-Lapus, anak ni “Mama Sita,” para sa donasyon ng kanyang pamilya na koleksiyon ng Te-resita “Mama Sita” R. Reyes commemorative stamps (series of 2013-2015) at dalawang set ng Mama Sita’s cookbook.

“Ipinagmamalaki natin na may mga kapwa Navoteño tayo na may malaking ambag sa kasaysayan ng lutong Filipino. Hangad natin na ang pa-mana ni Mama Sita at ng Pamilya Reyes ay magbigay-inspiras-yon sa mga Navoteño, lalo na sa ating kabataan, na alamin kung saan sila magaling at magsikap na magtagumpay dito,” ani Tiangco.

Panganay si “Mama Sita” ni Engracia Cruz-Reyes, nagtatag ng sikat na Aristocrat restaurant at isang Navoteña. Gumawa siya ng mga halo at sarsa na nakatulong madala ang mga paboritong ulam Pinoy tulad ng sinigang, kare-kare, caldereta at Manila-style barbecue sa hapag ng mga Filipino sa abroad.

Habang si Reyes-Lapus ay nagtapos ng arkitektura pero nag-ukit din ng kanyang pa-ngalan sa mundo ng kulinarya. Sa pag-i-export niya ng mga produkto ng “Mama Sita,” na-ging bukambibig sa 46 bansa ang kanilang brand.

Sinabi ni Tiangco, “Maha-lagang itampok natin kung ano man ang mga yaman ng ating lungsod. Hangad natin na maisulong hindi lamang ang kulturang Navoteño, kundi pati ang mga produktong nalikha at napagyaman natin gamit ang mga sangkap na galing dito,” aniya.

Kamakailan, inilunsad ng pamahalaang lungsod ang pangalawang round ng One Barangay, One Product na naglalayong isulong ang paggamit ng mga likas na yaman ng Navotas. (JUN DAVID)

About Jun David

Check Also

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …

Leave a Reply

Your email address will not be published. Required fields are marked *