Friday , March 29 2024

Martial law sa Kongreso (6 opisyal ng Ilocos Norte ipinakulong sa Kamara)

ANIM opisyal ng Ilocos Norte Provincial government ang ipinakulong ni House Majority Leader, Rep. Rodolfo Fariñas makaraan i-contempt sa isinagawang pagdinig ng House Committee on Good Government and Public Accountability.

Tila inilagay sa isolation room ang anim nang i-lagay sa detention room ng seargeant at arms sa Kamara.

Kinilala ang mga opis-yal ng Ilocos Norte government na ipinakulong ni Fariñas na sina provincial treasurer’s officer Genedine Jambaro; Encarnacion Gaor, Eden Battulayan, provincial treasurer; Josephine Calajate; Pedro Agcaoili, BAC chair at Ilocos Norte Provincial Planning and Development Office head; at Evangeline Tabulog, budget officer.

Ito ay makaraan mapikon si House Majority Leader Rep. Rodolfo Fariñas sa anim na opisyal dahil sa pagtugon nila ng “dismissive answers” sa pagdinig ng Kamara kahapon.

Ayon kay Fariñas, ipinagtataka niya kung bakit hindi matandaan ng mga o-pisyal ang kanilang mga pi-nirmahan kahit ipinakita ang mga dokumento hinggil sa pagbili ng Ilocos Norte go-vernment sa mga sasak-yang nagkakahalaga ng P66.45 milyon galing sa tobacco excise tax.

Kaugnay nito, ipina-subpoena si Ilocos Norte Governor Imee Marcos para dumalo sa susunod na pagdinig at kung hindi siya da-dalo, mapipilitang ipaaresto ng Kamara.

Banggit ni Fariñas, mananatili ang anim na opisyal sa kostudiya ng Kong-reso hangga’t hindi sila ‘na-kikiisa’ sa imbestigasyon.

Isa umano sa mga ‘ipinakulong’ na babae ni Fariñas ay nainsulto matapos pagsabihan ng mambabatas na “Paiyak-iyak ka pa.”

Habang ang isa sa ipinakulong ni Fariñas ay tila nakadama ng ‘terorismo’ sa ginawa ng mambabatas kaya tuluyang hinimatay.

(JETHRO SINOCRUZ)

About Jethro Sinocruz

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *