Wednesday , June 19 2024

Lalaki patay sa BFF na babae sa loob ng taxi (Dahil sa koleksiyon sa pautang)

PATAY si Nelson Calinisan makaraan barilin sa loob ng taxi ni Lilibeth Bacus habang nagtatalo hinggil sa kolek-siyon ng pautang sa kanto ng E. Rodriguez Avenue at New York St., Brgy. Immaculate Concepcion, Quezon City. (ALEX MENDOZA)
PATAY si Nelson Calinisan makaraan barilin sa loob ng taxi ni Lilibeth Bacus habang nagtatalo hinggil sa kolek-siyon ng pautang sa kanto ng E. Rodriguez Avenue at New York St., Brgy. Immaculate Concepcion, Quezon City. (ALEX MENDOZA)

PATAY ang isang lalaki makaraan barilin ng kaibigang babae sa loob ng taxi nang magtalo sa koleksiyon ng pautang sa Quezon City, kahapon ng umaga.

Sa ulat ni Quezon City Police District (QCPD) Kamuning Police Station 10 chief, Supt. Pedro Sanchez, kinilala ang biktimang si Nelson Cali-nisan.

Habang naaresto ang suspek na si Lilibeth Bacus, 45, ng Mary Homes Subd., Phase 1, Block 9,  Lot 14, Molino, Bacoor, Cavite.

Sa imbestigasyon, dakong 9:00 am nang maganap ang pamamaril sa loob ng taxi sa kanto ng E. Rodriguez Avenue at New York St., Brgy. Immaculate, Quezon City.

Nauna rito, sumakay ang dalawa sa taksing ipinapasada ni Walter Sabaria sa Megamall sa Mandaluyong dakong 6:00 am at nagpahatid sa Landbank sa SM Cainta.

Si Calinisan ay umupo sa passenger’s seat sa harapan habang ang babae ay sa likuran. Habang papuntang Cainta, nagtalo ang dalawa hinggil sa koleksiyon sa pautang.

Pagdating sa isang u-turn slot sa Cainta, mula sa likuran ay binaril ni Bacus si Calinisan.

Makaraan, tinutukan ni Bacus ng baril si Sabaria at inutusang ihatid siya sa Cubao.

Dakong 9:00 am, pagdating sa kanto ng E. Rodriguez Avenue at New York St., Cubao, tumalon mula sa taxi si Sabaria at bumangga ang kanyang taxi sa nakaparadang  SUV.

Mabilis na lumabas sa taxi si Bacus at sumakay uli ng isang taksi sa pagtakas.

Nasaksihan ng ilan nagpapatrolyang bantay-bayan ang insidente kaya hinabol ang taxi at ina-resto si Bacus habang hindi umabot nang buhay sa pagamutan si Calinisan. (ALMAR DANGUILAN)

About Almar Danguilan

Check Also

SM Supermalls 100th Job Fair 1

SM Supermalls Celebrates Milestone with 100th Job Fair

June 14, 2024 – Manila, Philippines –SM Supermalls proudly hosted its 100th job fair, reinforcing …

‘Mangangalakal’ bugbog-sarado sa 15 sekyu ng Las Piñas subdivision

‘Mangangalakal’ bugbog-sarado sa 15 sekyu ng Las Piñas subdivision

BUMUHOS ang suporta para sa isang 26-anyos ‘mangangalakal’ na biktima ng pambubugbog at pagmamaltrato ng …

Mark Leviste Vilma Santos

VG Mark handang magparaya kay Ate Vi sakaling tatakbo muling gobernador

I-FLEXni Jun Nardo NAKARATING kay Batangas Vice Governor Mark Leviste ang pahayag ni Finance Secretary Ralph Recto na kinu-consider …

Queen Vi Rodriguez ACT AGRI-KAAGAPAY

ACT AGRI-KAAGAPAY, nakiisa sa parada ng kalayaan 2024

ALAM MO NA!ni Nonie Nicasio NAKIISA ang Act Agri-Kaagapay Organization, isang non-government organization na nagsusulong …

Lito Lapid

Lapid: Raid sa POGO hub sa Pampanga, isama sa Senate investigation

NANAWAGAN si Senador Lito Lapid sa Senado na isama sa imbestigasyon ang pagsalakay ng mga …

Leave a Reply

Your email address will not be published. Required fields are marked *