Friday , December 9 2022
Duterte CPP-NPA-NDF
Duterte CPP-NPA-NDF

Localized peace talks mas kursunada ni Duterte (Usapan habang may bakbakan sayang)

NANGHIHINAYANG si Pangulong Rodrigo Duterte sa mga pagsusumikap ng pamahalaan at liderato ng Communist Party of the Philippines-National Democratic Front of the Philippines (CPP- NDFP) sa pagdaraos ng peace talks, gayong tuloy ang bakbakan sa tinaguriang larangang gerilya ng New People’s Army.

Sa kanyang talumpati sa groundbreaking ceremony sa Biyaya ng Pagbabago Housing Project sa Brgy. Los Amigos, Tugbok District, Davao City kahapon, sinabi ng Pangulo, walang saysay ang pakikipag-usap ng kanyang administrasyon sa mga pinuno ng kilu-sang komunista kung hindi nila kayang kontrolin ang mga lokal na NPA unit na patuloy na naglulunsad ng opensibang militar sa tropa ng pa-mahalaan.

Anang Pangulo, mismong CPP-NPA leaders na mag-asawang sina Benito at Wilma Tiamzon, ang umamin sa kanya makaraan ang kanilang hapunan sa Palasyo kamakailan, na hindi nila kayang kontrolin ang iba’t ibang NPA commands.

Giit niya, magkaka-kilala ang mga tao, opis-yal ng pamahalaan at rebelde sa mga lokalidad, posibleng mas mainam na sila na lang ang magkasundo na itigil ang bakbakan upang tuluyan nang maghari ang kapayapaan.

Hangga’t hindi aniya pumipirma sa isang bilateral ceasefire o ano mang peace agreement, si CPP founding chairman Jose Ma. Sison, patuloy ang magiging opensiba ng militar sa rebeldeng grupo.

Apela ni Duterte sa rebeldeng grupo, ilibing na ang kanilang mga armas para tuluyang ma-selyohan ang peace talks dahil walang kahihinatnan ang 50 taon pakikibaka ng mga rebelde.

(ROSE NOVENARIO)

About Rose Novenario

Check Also

RDF geocycle Holcim Angono Rizal

Sa Angono, Rizal
BASURA GINAMIT BILANG GASOLINA

KASALUKUYANG gamit ng lokal na pamahalaan ng Angono, sa lalawigan ng Rizal, ang modernong teknolohiya …

road accident

Sa Isabela
2 KAWANI NG DA PATAY SA KARAMBOLA NG 3 SASAKYAN

HINDI nakaligtas sa kamatayan ang dalawang empleyado ng Department of Agriculture – Cordillera nang banggain …

Arrest Posas Handcuff

Rank No. 1 MWP ng Southern Leyte tiklo sa Bulacan

INARESTO ang isang lalaking nakatala bilang Rank no. 1 most wanted person (MWP) ng Southern …

Bocaue Bulacan Fireworks Rodolfo Azurin Daniel Fernando

Bulacan Fireworks capital sa Bocaue ininspeksiyon ng pulisya, Kapitolyo

DALAWANG linggo bago ang holiday season, ang Bulacan provincial government sa pakikipagtulungan ng Philippine National …

Bulacan

Sa ika-22 Gawad Kalasag
“BEYOND COMPLIANT SEAL OF EXCELLENCE” IGINAWAD SA BULACAN

NILAMPASAN ng lalawigan ng Bulacan ang pamantayan para sa pagtatayo at pagresponde ng Local Disaster …

Leave a Reply