Magkapitbahay niratrat, patay
PATAY noon din ang magkapitbahay makaraan pagbabarilin ng hindi nakilalang mga lalaki sa Brgy. East Kamias, Quezon City, kahapon ng madaling araw.
Sa ulat kay Quezon City Police District (QCPD) director, C/Supt. Guillermo Lorenzo T. Eleazar, kinilala ang mga biktimang sina Niko Ledesma, 25, ng 55 K St., at Nelver Inano, 25, residente ng 65 K St., kapwa ng Brgy. East Kamias.
Sa imbestigasyon, dakong 3:30 am, habang nag-uusap ang magkaibigan sa harapan ng Angel’s Burger stall sa K St. nang dumating ang mga suspek at sila ay pinagbabaril.
Inaalam pa ng pulisya ang motibo sa krimen lalo’t hindi sangkot sa droga ang magkapitbahay.
(ALMAR DANGUILAN)
