Thursday , December 1 2022

Ayuda ng EU tablado kay Duterte (Utak-pulubi ibinasura)

TAAS-NOO at hindi utak-pulubing mentalidad ang dapat pairalin sa Filipinas bilang malayang bansa.

Ito ang inihayag ng Palasyo kahapon, makaraan magpasya na tablahin ang ayudang ipinagkakaloob ng European Union (EU) dahil sa pakikialam sa usaping-panloob ng bansa.

“The Philippines no longer accepts aid from EU to enable them not to interfere with our internal affairs. We’re supposed to be an independent nation,” ayon kay Executive Secretary Salvador Medialdea.

Para kay Presidential Spokesman Ernesto Abella, kailangan magkaroon ng kompiyansa sa sarili ang Filipinas lalo na’t umaangat ang ekonomiya sa ilalim ng administrasyong Duterte at pangalawa sa pinakamabilis ang paglago sa Asya sa kasalukuyan.

“The Philippines is growing by leaps and bounds. In fact, right now, second I think, it is the se-cond fastest growing right now in Asia. So, I think we need to gain a certain confidence in ourselves. You know, this is exactly the kind of mentality, I think, that the President wants the Filipinos to avoid – a mendicant attitude, you know. And we’re not disrespecting the aid that we’ve received, but definitely we can. Our track record shows that we’re growing by leaps and bounds,” ani Abella.

Inaprobahan aniya ni Pangulong Duterte ang rekomendasyon ng Department of Finance na huwag nang tanggapin ang “grants” ng EU na magpapahintulot na makialam sa “internal policies” ng bansa.

Ang hakbang ay ginawa ilang araw makaraan makasungkit nang bilyon-bilyong dolyar na “pledges” si Pangulong Duterte sa China nang dumalo sa One Belt One Road Forum sa Beijing.

Noong nakalipas na Marso, binatikos ni Pangulong Duterte ang aniya’y pagpapanggap na makatao ng mga leader ng EU gayong ang mga ninuno nila’y berdugo at eksperto sa mass murder o genocide sa sarili nilang mga kalahi noong Una at Ikalawang Digmaang Pandaigidig.

Sa joint resolution ng European Parliament ng European Union (EU), nananawagan sa kagyat na pagpapalaya kay Sen. Leila de Lima, pagkabahala sa “drug war killings” at hinimok ang EU na gumawa ng mga hakbang upang matigil ang mga paglabag sa kara-patang pantao sa Filipinas.

(ROSE NOVENARIO)

About Rose Novenario

Check Also

arrest, posas, fingerprints

Wanted sa Bicol nasakote sa Pasig

NADAKIP sa lungsod ng Pasig ang isang 48-anyos lalaking wanted sa kasong pamamaslang sa kanyang …

road accident

Bumangga sa barrier
11 PULIS SUGATAN SA TUMAOB NA PATROL CAR

SUGATAN ang 11 pulis nang sumalpok ang kanilang patrol car sa isang concrete barrier saka …

Bukidnon PPO Police PNP

Sa Bukidon
4 PATAY, 2 PA SUGATAN SA ALITAN SA LUPAIN

PATAY ang apat katao habang sugatan ang dalawang iba pa sa insidente ng barilan at …

dead gun police

Aresto nauwi sa enkuwentro, 2 suspek todas, 2 pulis sugatan,

TODAS ang dalawang miyembro ng isang criminal gang habang naaresto ang apat nilang galamay nang …

paputok firecrackers

Halos isang buwan sa pagtatapos ng 2022
PRESYO NG PAPUTOK PATULOY NA TUMATAAS

MAHIGIT isang buwan bago salubungin ng mga Filipino ang taon 2023 sumirit pa ang presyo …

Leave a Reply