Thursday , March 28 2024
Bulabugin ni Jerry Yap
Bulabugin ni Jerry Yap

Pagsabog sa Quiapo ginagasta ng destabilizers

BIGLA na namang naglabasan sa kanilang mga lungga ang mga ‘namayapang’ destabilizers dahil sa pagsabog na naganap  sa isang peryahan sa Quiapo, Maynila kamakalawa bago mag-hatinggabi.

Malaking bagay na mayroong camera ng CCTV sa nasabing area kaya’t agad nabibigyan ng direksiyon ang imbestigasyon ng pulisya.

Base na rin sa mabilis na imbestigasyon ng mga awtoridad, agad nilang naiugnay ang naganap na pagsabog sa paghihiganti ng isang ama na ang anak ay nabugbog umano ng mga bataan ng operator ng nasabing perya.

Pero iniimbestigahan pa lang ito at hanggang ngayon ay pinaghahanap pa ang ama ng batang nabugbog umano.

Ang nasabing  ama ang naituro dahil nakapagsalita siya ng pagbabanta laban sa nasabing peryahan.

Ilang beses rin umanong nagpabalik-balik doon ang ama dahil hinahanap nga niya ang nambugbog sa anak.

‘Yan po ang tinutungo ng imbestigasyon ng pulisya.

Kaya sana lang po ay huwag nang ipilit ng kung sinong ‘destabilizers’ na ang pagsabog ay may kaugnayan sa ASEAN Summit.

043017 quiapo perya blast

Huwag na po natin ipahiya ang ating bansa.

Ang isang kaigihan nito, malayo sa pusod ng Maynila ang ASEAN Summit kaya hindi masyadong apektado ng nasabing pagsabog.

Sa totoo lang, bilib tayo sa ipinakikitang sipag ng mga pulis ngayon para matiyak ang seguridad ng ASEAN Summit.

Lalo na ‘yung mga bata o bagong pulis na bagito pero kitang-kita ang dedikasyon sa kanilang trabaho.

Sana, kahit walang Summit ay ganyan sila kasipag at kahusay sa pagtupad ng kanilang tungkulin.

Umabot nga pala sa 14 ang sugatan at lima ang nasa kritikal na kondisyon.

Kabilang sa limang kritikal ang kondis-yon ang isang naputulan ng binti at isa pang nawakwak ang likurang bahagi ng katawan.

Ayon kay NCRPO director, Chief Supt. Oscar Albayalde, isang pipe bomb na nilagyan ng pulbura na ginagamit sa fireworks at firecrackers na sinamahan ng roscas bilang shrapnel, ang pinasabog sa lugar.

Mismong si Gen. Albayalde ang nagsabi, hindi terorismo ang insidente dahil sa uri ng ginamit na pampasabog at walang estrukturang nasira kundi ang nag-iisang mesa.

Wala mang kaugnayan sa Summit ang naganap na pagsabog, dapat pa rin maingat ang ating mga kababayan lalo na doon sa mga pook na madalas puntahan ng publiko.

Kudos sa PNP na mabilis na nagresponde at nag-imbestiga sa insidente.

Ingat, ingat po lagi mga suki!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *