Saturday , May 18 2024
Bulabugin ni Jerry Yap
Bulabugin ni Jerry Yap

Walang katapusang technical problem ng Metro Rail Transit 3

INAMIN ng maintenance contractor ng Metro Rail Transit (MRT) 3 na hindi na nila kayang ikorek ang riles ng nasabing train system.

Tahasang inihayag ito ni Charles Perfecto, corporate secretary and legal counsel ng Busan Universal Rail Inc. (BURI), sa harap ng mga mamamahayag sa ipinatawag nilang press conference kamakalawa.

At kung pagbabasehan pa ang kanyang pahayag, hindi na kayang kunin sa repair ang riles ng MRT, sa halip, kailangan na itong baklasin nang buo para maiwasan ang palagiang ‘technical problem’ na sinasabi.

Wattafak!?

Inihalintulad ni Perfecto ang MRT3 sa mga ‘senior citizen’ na kailangan na lang umanong ‘asistehan’ pero ang buong sistema ay hindi na ganoon kaepektibo para maghatid ng mga pasahero.

Ang MRT-3 umano ay may 350,000 pasahero kapasidad kada araw pero sa aktuwal ay 500,000 pasahero ag sinisilbihan nito.

Wala namang bago rito pero ang napansin natin, bakit tila naghuhugas ng kamay ang BURI sa kanilang press conference?

Sabi pa ni Perfecto, “Not all glitches are maintenance issues, and not all of them are a failure.”

Wattafak!

Ganoon lang kabilis silang mag-rason na hindi inisip kung ano ang nangyari sa mga pasaherong naprehuwisyo ang araw dahil sa ikinakatuwiran nilang ‘technical problem.’

042817 MRT

Subukan kaya natin mag-ipit ng ulo ng isa sa mga manager ng MRT-3 at sabihin na, “Hindi sinasadya, may technical problem lang?”

Tanggapin kaya nila ang ganitong rason?!

By the way, 18-year-old na raw ang MRT line 3 system, kaya tama lang daw na palitan na ang riles.

Pero hindi raw nila magagawa ‘yan dahil may iba-ibang prayoridad din ang gobyerno. Nakahanda raw silang maghintay. Nakahanda silang maghintay basta’t hindi pa sila napapalitan ng ibang contractor o kompanya, ganoon ba ‘yun?!

E paano ang commuters?

Kailangang ihanda na nila ang kanilang sarili kapag sumasakay sa MRT3.

Kailangan handa sila… kapag tumirik o nagkaroon ng technical problem? Ganoon ba ‘yun?

By the way, saan pala napunta ‘yung mga bagong bagon na binili ng MRT? Ginarahe lang muna dahil may aberya rin!?

Maging si DoTr Undersecretary for Railways Cesar Chavez Jr., ‘e tinawag na rin ang pansin ng BURI dahil sa sunod-sunod na kapalpakan ng MRT3.

Binalaan ni Chavez ang BURI na magpaliwanag kung bakit hindi kailangan i-terminate ang kanilang kontrata sa loob ng pitong araw.

Hanggang ngayong araw lang hihintayin ni USec. Chavez ang paliwanag ng BURI. At kapag hindi sumagot, tuluyan na nga kayang ite-terminate ang kanilang kontrata?!

Wattahek!

Tira-pasok na naman ‘yan.

Sino ang ipapalit para sa maintenance ng MRT3?

Ayon kay USec. Chavez, umabot sa 116 unloading incidents ang nangyari sa MRT line 3 mula Enero hanggang Abril. Noong 2016 mayroong 586 unloading incidents.

Ayon kay Chavez, aabot sa P888 milyones ang pondo para sa ‘signalling’ at P907.4 milyones para sa general overhaul ng 43 trains.

Mangyari naman kaya?!

“The current condition of the track system is one of the culprits of these glitches and stoppages. Everyone must be reminded of the need to replace the rails, which is part of the maintenance provider’s scope of work.”

‘Yan ang statement ng BURI na ang tono ay para bang sinisisi pa ang MRT3, dahil matanda na kaya laging nagkakaroon ng technical problem.

Tsk tsk tsk…

Multi-milyones ang pinag-uusapan dito, pero kahit isa sa mga awtoridad ay walang makapagsabi na safe ang MRT3.

Nagbabayad po ang mga pasahero, hindi naman libre ‘yan USec. Chavez.

Ang gustong malaman ng mga pasahero, “Ligtas ba sila kapag sumakay sa MRT3?”

‘Yun lang po ang sagutin ninyo!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sipat Mat Vicencio

Tiyak na sibak si Sen. Bato sa eleksiyon

SIPATni Mat Vicencio NAGKAKAMALI si Sen. Ronald “Bato” dela Rosa kung inaakalang manananalo pa siya …

YANIG ni Bong Ramos

Total ban sa sigarilyo, vape atbp nakapipinsalang produkto iminungkahi

YANIGni Bong Ramos IMINUNGKAHI kamakailan ng magkapatid na Senador Pia Cayetano at Senador Alan Peter …

Dragon Lady Amor Virata

Korek na korek Senador Bong Go

Isumbong mokay DRAGON LADYni Amor Virata KAMAKAILAN sa Senado, tinalakay ni Senator Bong Go ang …

YANIG ni Bong Ramos

Umarangkada na
Mga kandidato para sa 2025 local & national elections maagang sinimulan pang-uuto sa publiko

YANIGni Bong Ramos BAGAMA’T isang taon pa ang nakatakdang local & national elections, maagang sinimulan …

FIRING LINE ni Robert B. Roque, Jr.

Ang paliit nang paliit na mundo ni Quiboloy

FIRING LINEni Robert B. Roque, Jr. HINDI ko alam kung alin-alin sa mga nagiging desisyon …

Leave a Reply

Your email address will not be published. Required fields are marked *