HATAW! D'yaryo ng Bayan hatawtabloid.com
TEKA, hindi ba’t maninirahan na sa isang condo unit ang gay comedian na ito? Buwelta namin sa nagtsika na pinagtataguan daw nito ang kanyang kasera.
“Condo unit? Parang hindi naman yata ako na-inform,” giit ng aming source. ”Kung ganoon, eh, bakit balitang-balita na hindi na umuuwi si (pangalan ng gay comedian) sa inuupahan niyang bahay dahil ayaw niyang magpakita sa landlady niya?”
Hirit pa nito, ”As in hindi na nga siya umuuwi roon. At alam mo ba, para makaiwas sa kasera niya, ang ginagawa niya, eh, ‘pag nasa bahay na siya, pinapatay niya ang ilaw sa loob para kunwari, wala siya sa bahay.”
At ‘di pa nakuntento, ”Gusto mo pa ng tsika? Kapag maliligo naman siya, eh, dahan-dahan lang siyang magbubuhos ng tubig sa katawan niya para hindi marinig ang ingay ng tubig. Nakapatay din ang ilaw sa banyo, hitsurang kinakapa-kapa lang niya sabon, timba, tabo, at tuwalya niya!”
Da who ang gay comedian na ito na malaki rin daw magpatalo sa e-games ng kanyang kinikita mula sa mga pinanggagalingang show? Itago na lang natin siya sa alyas na Athena Gaisano.
(Ronnie Carrasco III)
