Saturday , January 29 2022

Benepisyo sa naulila ng pinaslang na hukom lusot sa House Committee

PUMASA sa House sub-committee on judicial reforms ang panukalang paglalaan ng suporta sa naiwang asawa at anak ng hukom o mahistrado at iba pang judiciary officials na namatay habang nasa “line of duty.”

Ang House Bill 2683 ay inihain ni Deputy Speaker at Batangas Rep. Raneo Abu, upang makatulong sa pamilyang naiwan ng hukom na pinatay ng mga kriminal sa pagsusumikap na mahadlangan ang pagdinig ng kanilang kaso.

Sinabi ng mambabatas, dapat magkaroon ng counter balance sa panganib na kinakaharap ng judiciary officials.

Maging si Supreme Court (SC) Court Administrator Jose Midas Marquez ay inendoso ang panukala at nagsabing karamihan sa mga biktima ay pinatay dahil sa kanilang na-ging desisyon lalo na yaong may kaugnayan sa kaso ng ilegal na droga.

Nakapaloob sa House Bill 2683 o “Support for the Survi-ving Spouse and Children of Slain Judiciary Officials Act,” na kailangang suportahan ng estado ang mga hukom dala ng panganib na kinahaharap nila.

Kabilang dito ang mga hukom o mahistrado ng Supreme Court, Court of Appeals, Sandiganbayan, Court of Tax Appeals, regional trial court, metropolitan trial court, municipal trial court, municipal circuit trial court, shari’a district court, at shari’a circuit court.

Sa ilalim ng panukala, ang naiwang pamilya ng napatay na hukom o mahistrado ay makatatanggap ng buwanang pension at allowances na tinatanggap ng biktima, at karagdagang non-wage benefit tulad ng education scholarship sa dalawang anak ng mahistrado. (JETHRO SINOCRUZ)

About Jethro Sinocruz

Check Also

abs cbn

 ABS-CBN pinaghati-hatian na

I-FLEXni Jun Nardo PINAGHATIAN na ang iba pang broadcast frequencies na hawak dati ng ABS-CBN. Unang …

NTC ‘di dapat i-bash, pagkuha ng franchise asikasuhin

HATAWANni Ed de Leon ANG ginawang pamimigay ng NTC sa mga dating frequencies ng ABS-CBN sa ahensiya ng Advance Media …

NBI Landbank

NBI pasok sa ‘Landbank theft’

PUMASOK na ang National Bureau of Investigation (NBI) sa mga insidente ng pagnanakaw sa payroll …

012822 Hataw Frontpage

BBM DISQUALIFIED
Yes vote ni Guanzon ayaw bilangin ng Comelec

NANINIWALA si Commission on Elections (Comelec) Commissioner Rowena Guanzon na may mahiwagang kamay na kumukumpas …

electricity meralco

Ex-BM kumasa
GOV. SUAREZ, P4-M UTANG SA ELECTRIC COOP ‘DI BINABAYARAN

TINULIGSA ng isang dating Quezon 4th district board member si Gov. Danilo Suarez sa pag-iwas …

Leave a Reply