Monday , April 15 2024

Mag-asawang terorista tiklo

ARESTADO ang mag-asawang pinaghihinalaang miyembro ng damuhong teroristang grupo ng Islamic State of Iraq and Syria (ISIS) sa operasyon na isinagawa ng mga awtoridad sa Bonifacio Global City, Taguig.

Nagsanib-puwersa ang mga elemento ng Bureau of Immigration, pulis at military kaya natiklo sa harap ng isang mall sa Taguig sina Hussein Aldhafiri alyas “Abu Muslim,” 40 anyos; at Rahaf Zina Aldhafiri, edad 27, tatlong buwang buntis. Naninirahan ang mag-asawa sa isang marangyang apartment sa 20th Street, Bonifacio Global City.

Ayon sa mga awtoridad, si Rahaf ay dating asawa ng number 2 man ng ISIS sa Syria na napatay sa laban. Nang mabiyuda si Rahaf ay sila ang naging mag-asawa.

Si Hussein naman ay ilang ulit na umanong nagpabalik-balik sa ating bansa noong 2016.

Ang pinakahuli raw nitong pagdating sa bansa ay kasama ang asawa noong 28 Enero 2017 at hindi na umalis pa. Tunay na pangalan pa nga raw ang ginamit ng dalawa sa kanilang tourist visa.

Sinisiyasat pa ang work visa na nakuha ni Hussein at pati na ang kompanya na tumulong para magkaroon siya nito.

Nakatanggap ang National Bureau of Investigation (NBI) ng impormasyon mula sa Federal Bureau of Investigation (FBI) ng Amerika at gobyerno ng Kuwait kaugnay ng dalawang suspek. Si Hussein ay nasangkot daw sa mga pambobomba at kilala sa paggawa ng bomba.

Natunton ng mga opisyal ng Immigration ang mag-asawa sa tulong na rin ng FBI.

Batay sa report mula sa Armed Forces of the Philippines (AFP), si Hussein na isang Kuwaiti ay may kaugnayan sa terorismo at pinaniniwalaang magsisilbing banta sa national security ng bansa.

Nagpahayag si Immigration Commissioner Jaime Morente na ang dayuhang mag-asawa ay nasa bansa dahil may pinaplano silang bombahin. Hindi lang tiyak kung ang target nila ay sa Filipinas o sa Kuwait.

Ayon kay Justice Sec. Vitaliano Aguirre, walang maisasampang kaso laban sa mag-asawa sa kasalukuyan maliban sa paglabag sa immigration law.

Wala kasi silang naipakitang mahahalagang dokumento sa pananatili nila sa bansa nang mahuli. Wala rin illegal paraphernalia na nakita na mag-uugnay sa kanila sa mga terorista.

Inaalam kung si Hussein ay nakipag-ugnayan sa mga terorista sa bansa dahil may impormasyon na nagpunta raw sa Davao at Cebu noong Enero.

Matapos sumailalim sa proseso ng deportation sa immigration ay maaaring mai-deport si Hussein patungong Kuwait, mga mare at pare ko, samantalang si Rahaf ay sa Syria naman, na kanyang pinagmulan ipatatapon.

Palakpakan!

BULL’S EYE – Ruther D. Batuigas

About Ruther D. Batuigas

Check Also

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Dragon Lady Amor Virata

Ikot-ikot na para sa 2025 local elections

Isumbong mokay DRAGON LADYni Amor Virata IBA’T IBANG pakulo o propaganda na ang sinisimulan ng …

AKSYON AGAD ni Almar Danguilan

QCPD nakapagtala ng 82.61% Crime Solution Efficiency sa nagdaang Semana Santa

AKSYON AGADni Almar Danguilan SADYANG hindi maiwasan na saluduhan ang Philippine National Police (PNP) sa …

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

Leave a Reply

Your email address will not be published. Required fields are marked *