3 katao pinasok sa bahay, pinatay (1 sugatan)
PATAY ang isang 58-anyos biyuda, kanyang live-in partner, at anak na lalaki, habang sugatan ang 5-anyos apo, makaraan pasukin at pagbabarilin sa kanilang bahay sa Caloocan City, kamakalawa ng gabi.
Agad binawian ng buhay sa insidente si Wilma Liwanag alyas Ada, anak niyang si Aries, 31, at live-in partner niyang si alyas Boy, 60, bunsod ng mga tama ng bala sa kanilang katawan.
Habang nilalapatan ng lunas sa Dr. Jose N. Rodriguez Memorial Hospital ang 5-anyos na si Albert, anak ni Aries.
Sa imbestigasyon nina PO3 Rommel Caburog, at PO2 Philipp Joseph Reglos, dakong 9:50 pm, nagpapa-hinga sa kanilang bahay sa Blk 3., Lot 8, Phase 9, Package 7, Brgy. 176, Bagong Silang ang mga biktima, nang pasukin ng dalawang lala-king nakasuot ng bonnet at face masks, at sila ay pinagbabaril. Pagkaraan, tumakas ang mga suspek lulan ng motorsiklo.
Samantala, sinabi ni Caloocan Police Community Precinct (PCP) 3 Chief Insp. Ronald Cayago, kabilang ang mga biktima sa drug watchlist ng lungsod.
(ROMMEL SALES)
