Thursday , March 28 2024

Yasay sa DFA tuluyang ibinasura

TULUYAN nang ibinasura ang nominasyon para sa kompirmasyon kay Department of Foreign Affairs (DFA) Secretary Perfecto Yasay Jr., sa makapangyarihang Commission on Appointments (CA), dahil sa pagsisinu-ngaling bilang US citizen.

Nabigo si Yasay na makombinsi ang mga miyembro ng komisyon sa kanyang rason, na kanyang tinanggihan ang naturang citizenship, at patunay ang kanyang pagliham sa Estados Unidos.

Mismong mga miyembro ng komisyon ang kanyang naging ka-laban dahil nagsisinunga-ling sa kanyang tunay na pagkakakilanlan, bilang isang Amerikano.

“Nagsinungaling siya (Yasay),” ani Cong. Edcel Lagman, sinegundahan ni Cong. Edgar Erice, aniya’y tungkulin ng CA na i-reject ang nominasyon.

Magugunitang inamin ni Yasay sa isang TV  interview nitong Lunes, na siya ay may US passport ngunit isinoli niya ito.

Sa isa pang TV interview nitong Martes, na-nindigan siyang siya’y isang Filipino, hindi nga lang legal, ngunit Filipino sa isip, salita at sa gawa.

Sinabi rin niya sa Senate media nitong Martes, hindi siya nagsinungaling sa CA.

Ngunit sa isang dokumento, nabatid na naging US citizen si Yasay noong 1986, at tinalikuran niya ito noong 1993 ngunit bigong mag-apply ng Philippine citizenship.

Habang sinabi ni Senador Panfilo “Ping” Lacson, kung siya si Yasay, “babakantehin ko na ang kanyang puwesto at opisinang pinaglilingkuran dahil hindi siya kuwalipikado.”

Iginiit ni Lacson, maliwanag na isang panloloko ang ginagawa ni Yasay, dahil sa huwad niyang pagiging isang Filipino.

Samantala, ipagpapatuloy ang pagdinig sa nominasyon at kompirmasyon kay Enviroment and Natural Resources (DENR) Secretary Gina Lopez.

Ito ay dahil maraming oppositor ang kalihim at kapos ang oras para lahat ay matalakay.

Tanging dalawang oppositor ang nadidinig ng komisyon, at agad naisantabi makaraan makombinsi ni Lopez ang mga miyembro ng komisyon sa kanyang sagot, at paliwanag sa pagkuwestiyon sa kanyang kompirmasyon. (NIÑO ACLAN)

About Niño Aclan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *