HATAW! D'yaryo ng Bayan hatawtabloid.com
A net cycle!
‘Di pa naman ganon katagal noong kasama kami sa sumaksi sa pag-alagwa ng bandang 6 Cycle Mind.
Ngayon, nakaharap ko ang dating bokalista nitong si Ney na may bagong mga kasama sa bandang Ney.
Panibagong pakikipagsapalarang muli bilang banda matapos na umikot din sa pagso-solo. Nagsulat. Nag-produce ng mga piyesa. Ilang beses nag-collaborate with Yeng Constantino. At dinaluyan pa rin ng mga karangalan.
Nag-hibernate sa bayan nila sa Lipa, Batangas at doon nagawa ang mga kantang maririnig ngayon sa kanilang Ney album. Mga karanasang idinaan patungo sa ngayon. Habag, Sa Akin ka Na Lang, Trauma, Doble Kara, Malaya Ka Na, Kahit saan, Kahit Kailan, Storya, Nang Makita Ka, Tayo, at Napapanahon (acoustic).
Ang pasalamat ay sa Alpha Music sa pagtitiwala na kinuha sila hindi dahil kilala na si Ney kundi dahil gusto nila ang mga kantang ginawa nito.
Sa aling kanta kaya ako makare-relate?
HARDTALK – Pilar Mateo
