Thursday , March 28 2024

Kudeta vs Digong negatibo — Padilla

030217 Restituto Padilla kapihan
TINIYAK ni Armed Forces of the Philippines (AFP) spokesman, Brig. General Restituto Padilla sa Kapihan sa Manila Bay news forum sa Cafe Adriatico, Malate, Maynila na walang banta o tangka na pabagsakin o alisin si Pangulong Rodrigo Duterte bunsod ng kampanya kontra korupsiyon at droga na ipinapatupad ng pangulo. (BONG SON)

TINIYAK ng Armed Forces of the Philippines (AFP) na walang banta o pagtatangka para pabagsakin o patalsikin si Pa-ngulong Rodrigo Duterte.

Nananatili pa rin ang posibilidad na maaaring magsagawa ng coup d’état laban sa pangulo bunsod ng kampanya kontra korupsiyon at droga na ipinapatupad sa buong ng da-ting alkalde ng Davao City.

Ito ang napagalaman ng Hataw sa mga nakalap na impormasyon mula sa ilang tagasuporta ng dating administrasyong Aquino na nagpaha-yag ng kanilang pagkadesmaya sa paglaganap ng patayan at karahasan sanhi ng tumataas na bilang ng extrajudicial killings, o EJK.

Nagsagawa kamakailan ng kilos protesta ang grupong ‘dilaw’ kasama ang Simbahan para kondenahin si Duterte sa mga pahayag nitong humihimok sa mga alagad ng batas at maging ang mamamayan na makilahok sa pagpatay ng mga taong sangkot sa krimen, partikular yaong may kinalaman sa kalakalan ng ilegal na droga.

Ngunit binabalewala ng AFP ang mga balitang magkakaroon ng coup dahil nananatiling tapat umano ang sandatahang lakas sa Saligang Batas kaya hindi dapat mag-alala ang taongbayan na ma-patatalsik ang punong ehekutibo ng militar.

Sa Kapihan sa Manila Bay sa Café Adriatico, Malate, Maynila, ipinaliwanag ni AFP spokesman Brig. Gen. Restituto Padilla Jr., na matibay ang paniniwala at pagtitiwala ng mga sundalo sa sinseridad ng pangulo na magsilbi sa buo niyang makakaya para sa kapakanan ng sambayanan.

“Siya lang ang nakita na-ming commander-in-chief na talagang may concern sa bayan at sa mga sundalo,” punto ng heneral.

“Siya lang din ang bukod-tanging pangulo ng bansa na sinasadyang dumalaw sa mga nasugatan nating sundalo o nakikiramay sa mga namata-yan kahit alam nating sobrang hectic ng kanyang schedule bilang presidente,” dagdag nito.

Samantala, nagbigay ng katiyakan si Padilla sa ginagawa ng AFP para tugisin ang bandidong Abu Sayyaf, matapos pugutan ang isang German national na kanilang nabihag sa karagatan katimugang bahagi ng Filipinas.

“Nasa 500 sila at hindi magtatagal, mababawasan pa dahil patuloy ang programa sa modernisasyon ng AFP. Sa Mayo ay madadagdagan muli ang ating mga barko de giyera kapag nai-deliver ang isa pang Tarlac-class frigate mula sa Indonesia,” aniya.

Idiniin ng heneral ang kahalagahan ng karagdagan pang mga barko para makatulong sa pagpapatrolya sa karagatan hindi lamang laban sa Abu Sayyaf kundi maging sa mga dayuhang pirata na nanghihimasok sa ating teritoryo. (TRACY CABRERA)

About Tracy Cabrera

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *