COTABATO CITY – Patay ang isang sundalo sa pananambang ng hinihinalang liquidation squad ng Bangsamoro Islamic Freedom Fighters (BIFF), sa probinsya ng Maguindanao, kamakalawa.
Kinilala ang biktimang si Sgt. Zaldy Caliman, kasapi ng 57th Infantry Battalion Philippine Army.
Ayon kay Maguindanao police provincial director, S/Supt. Agustin Tello, lulan ang biktima ng kanyang motorsiklo, kasama ang kanyang anak at asawa mula sa kampo, pauwi sa kanyang bahay sa Brgy. Bagan, Guindulungan, Maguindanao, ngunit pagsapit sa Brgy. Meta, sa bayan ng Datu Unsay, bigla silang hinarang ng dalawang hindi nakilalang suspek, at pinagbabaril gamit ang kalibre .45 pistola.
