NGINGITI-NGITI pero nahira pang sumagot si Paulo Avelino sa tanong ni Vice Ganda kung may feeling pa siya sa dating girlfriend na si KC Concepcion.
Guest sina Paulo at Maja Salvador noong Linggo ng gabi sa show ni Vice sa Gandang Gabi Vice para sa kanilang I’m Drunk I Love You promo na palabas na ngayon sa mga sinehan at handog ng TBA-Tuko Film Productions || Buchi Boy Entertainment.
Matagal bago nakasagot ang actor at saka sinabing, “Wala na.” giit nito. “Ang feelings sa ibang paraan,” dagdag pa ng actor.
At nang si Maja naman ang tinanong ni Vice sa kung mayroon pa rin siyang feeling kay Gerald Anderson, mabilis nitong sinagot ang komedyante ng, “Wala na. Walang wala na!”
