Friday , March 29 2024

Sabwatang Gaudan, BM Ikay may basbas ng lady solon?

022017_FRONT

MISTULANG nabuking ng kampo ni Negros Oriental Governor Roel Degamo ang sabwatan nina June Vincent Manuel Gaudan at Board Member Jessica Jane ‘Ikay’ Villanueva na nagsampa sa kanya ng kaso sa Ombudsman na sinabing nasa likod ang lady solon na si Josy Sy Limkaichong.

Unang nagsampa sa Ombudsman main office si Gaudan, Legislative Officer IV sa House of Representatives tauhan at kilalang malapit kay Limkaichong.

Si Limkaichong ay tumayong National Vice President ng Liberal Party of the Philippines habang si Degamo ay nasa partido ng NUP at kasaluku-yang PDP president ng Negros Island Region na partido ni Pangulong Rodrigo Duterte.

Sa naunang kaso na isinampa ni Gaudan, kinatigan ng Ombusdman at naglabas ng desisyon na guilty sa anti-graft and corrupt practices si Degamo kaya ipinasisibak sa pwesto.

Ngunit binaliktad ng Court of Appeals (CA) ang nasabing desisyon ng Ombudsman at nakakakuha si Degamo, hindi lamang temporary restraining order (TRO) kung hindi permanent injunction, dahil nakita ng korte na wala siyang nilabag sa pagpapalabas ng Calamity Funds nang salantahin ng bagyong Sendong noong 2011 habang 2012 naman naganap ang 6.9 magnitude earthquake sa natruang lalawigan.

Napag-alaman noong 2013 ay magkakampi si Villanueva at Limkaichong na kapwa nasa Liberal Party sa paglaban kay Degamo ngunit nabigo ang dalawa nang talunin sa eleksiyon ng gobernardor at lamangan ang kongresista nang mahigit 45,000 boto.

Muli, nagsampa ng kaparehong kaso si Villa-nueva sa Ombudsman  na tinanggap ni Paul Elmer Clemente,  Deputy Ombudsman for Visayas.

Dahil dito, labis na ipi-nagtataka ng kampo ni Degamo kung bakit tinanggap ni Clemente ang kaso samantala katulad ito sa naunang isinampa ni Gaudan na ipinawalang-bisa ng CA.

Nakalilito rin ang paglalabas ng Ombudsman ng dalawang resolution na ang una ay convicted si Degamo sa graft and corruption at grave misconduct habang ang ikalawa ay nagpapawalang-sala sa kanya sa administrative charges.

Dahil dito, naniniwala ang kampo ni Degamo na ang ginawang pagsasampa sa kanya nina Gaudan at Villanueva ay politically motivated at hinihinalang ang nasa likod ay si Limkaichong na kanyang tinalo noong 2013.

Nitong 2016, tinambakan ng gobernardor ang pambato ng kongresista na nasa Liberal Party na si dating congressman George Arnaiz nang mahigit 110,000 boto.

Malinaw na ang mu-ling pagbuhay sa kaso laban kay Degamo ay sa kagustuhan ng mga kalaban sa politika na patalsikin siya sa puwesto dahil hindi nila kayang talunin ang gobernardor sa eleksiyon.

Sinasabing si Degamo ay paborito at malakas ang karisma sa masa kaya laging nananalo sa eleksiyon.

Habang si Gaudan ay pumutok ang pangalan nang masangkot sa kontrobersiya noong nag-aaral pa sa Siliman University.

Nabatid na pinamunuan ni Gaudan ang Siliman University Council Student Organization pero bumuo umano ng tinatawag na ‘mafia’ na ang ultimong layunin ay mapabilang ang kanyang fraternity sa top 10 at alisin ang mga organization na socio-civic at academic sa naturang unibersidad.

Si Gaudan  rin umano ang nagmaniobra para ‘gibain’ ang kalaban nilang partido na “Ang Sandigan.”

Naniniwala ang kanilang mga kababayan na tila inuulit ni Gaudan ang ginawang pagmamaniobra sa  pinagtapusang eskwelahan at umano’y nagpapagamit sa politiko, para maisulong ang kanyang pansariling interes.

Tahimik ang tanggapan ni Limkaichong sa alegasyon ng kampo ni Degamo.

ni Jethro Sinocruz

About Jethro Sinocruz

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *