HATAW! D'yaryo ng Bayan hatawtabloid.com
PATAY ang isang 68-anyos lider ng informal settlers makaraan pagbabarilin ng hinihinalang hired killer sa Malabon City kamakalawa ng gabi.
Agad binawian ng buhay ang biktimang si Milagros Masalio, re-sidente ng Rosita St., Brgy. Santolan ng nasabing lungsod, sanhi ng dalawang tama ng bala sa ulo.
Habang ginagamot sa Valenzuela Medical Center si Rey Quintana, 24, ng Kaingin St., Brgy. Tinajeros ng nasabi ring lungsod, tinamaan ng bala sa kaliwang balikat habang bumibili sa isang karinderya sa lugar.
Batay sa ulat nina PO2 Rocky-mar Binayug at PO2 Roldan Angeles, dakong 6:55 pm, habang naglalakad ang biktima sa Gov. Pascual Avenue, Brgy. Catmon kasama ang anak at apo, nang biglang lumapit ang suspek at dalawang beses binaril ang matanda.
Habang minalas na tinamaan ng ligaw na bala si Quintana.
Ayon kay Senior Insp. Paul Dennis Javier, posibleng may kinalaman sa alitan sa lupa ang motibo sa krimen dahil ang biktima ay tumatayong lider ng informal settlers sa kanilang barangay. (ROMMEL SALES)
