TATLONG actor ang gustong makapareha ng isa sa bida sa pelikulang The Cresent Moon, si Jerene Tan, na palabas na sa kasalukuyan, ito ay sina Matteo Guidicelli, Xian Lim, at Alden Richards.
Ayon kay Jerene, “Si Matteo gusto ko uli makasama kasi kilala ko na siya, mahusay katrabaho at mabait.
“Si Xian, kasi kaunti lang sa industry ‘yung Chinese looking, tapos ‘yung pagka-Chinese niya macho ‘yung dating at magaling din siyang umarte.
“Si Alden,, if puwede kaya lang baka patayin ako ng mga Maine Mendoza fan, ha ha ha. Actually may nagtanong niyan sa akin, if okey daw na maka-love triangle ako nina Maine at Alden.
“Sabi ko noong una okey lang kasi malaking karangalan ang makatrabaho sila kaya lang baka patayin ako ng kanilang fans.
“Takot kasi ako ma-bash pero sabi nga sa akin, deadma na lang ‘wag na lang patulan para ‘di na lumaki.
“Siguro ‘wag lang ‘yung imbento o below the belt. Siguro deadmahin ko na lang o ‘di ko na lang babasahin para less hurt,” sambit pa ni Jerene.
MATABIL – John Fontanilla
