TODAS ang isang lalaking bagong laya sa kulungan makaraan pagbabarilin ng hindi nakilalang suspek kahapon ng madaling-araw sa Quezon City. Sa ulat ng Quezon City Police District Criminal-Investigation and Detection Unit (QCPD-CIDU), kinilala ang biktimang si Rodel Rodriguez, 48, bagong laya mula sa Quezon City Jail, at residente ng 43 Sauyo Road, Brgy. Sauyo, Novaliches, ng lungsod.Habang patuloy na inaalam ng mga pulis ang pagkakakilanlan ng suspek. Ayon sa ulat, dakong 2:00 a.m. habang nagtatapon ng basura sa harap ng kanilang bahay ang biktima nang duma-ting ang isang kotse at pinagbabaril si Rodriguez at pag-karaan ay mabilis na tumakas.
(ALMAR DANGUILAN)
