INILINAW ng Malacañang, babala pa lamang ang pahayag ni Pangulong Rodrigo Duterte na kanyang ipapawalang-bisa ang Visiting Forces Agreement (VFA) sa Estados Unidos.
Sinabi ni Communications Assistant Sec. Anna Marie Banaag, dapat munang mapag-u-sapan ng Pangulong Duterte at ng kanyang advisers ang usapin sa VFA.
Ayon kay Banaag, mas maiging hintayin na lang ang susunod na hakbang ng Presidente at prosesong susundin.
Magugunitang noong nakaraang linggo, nagpahayag ang Millennium Challenge Corporation (MCC) ng US na ipagpapaliban muna ang multi-million dollar development grant sa Filipinas dahil sa human rights concerns.
Ito na ang naging ugat ng pahayag ni Pangulong Duterte na kanyang ipaa-abrogate ang VFA at dapat lumayas sa Filipinas ang mga sundalong Amerikano.
“We will wait kung anong next… It was a warning. It wasn’t something na… It wasn’t really something na the President said na he will revoke,” ani Banaag.
“So we will wait pa for the next move of the President and, of course, the advisers kung… kung anong sasabihin nila tungkol dito because, of course, with the pronouncements tungkol doon sa Millennium… Iyong pag… Pag-tag no’ng Amerika doon sa Millennium Corporate Challenge…”
