NATAGPUANG walang buhay nitong Sabado ng umaga sa isang ilog sa Indang, Cavite ang isang 17-anyos dalagitang apat araw nang nawawala.
Ang bangkay ni Melissa Magracia, ay natagpuang lumulutang sa ilog ng Brgy. Guyam Malako pasado 9:00 am malapit sa isang subdibisyon na kanyang tinitirahan.
Sa inisyal na imbestigasyon ng pulisya, si Magracia, estudyante ng AMA College sa Dasmariñas City, Cavite, residente sa Belvedere Subdivision sa Tanza, ay nawala noong 6 Disyembre.
Bago ang kanyang pagkawala, nagpaalam ang biktima sa mga magulang na makikipagkita siya sa isang Elric Vidallo na nag-alok sa kanya na maging modelo. Ito ang huling pagkakataon na nakita nila ang biktima.
Ayon sa mga magulang ng biktima, nakilala ng kanilang anak si Elric sa pamamagitan ng social networking sites. Ngunit deactivated na ang social media account ng suspek makaraan mawala si Meli-ssa.
Naaresto ng mga awtoridad si Elric, 31, sa kanyang bahay sa Brgy. Harasan nitong Sabado ng hapon.
HATAW News Team