Wednesday , May 29 2024
FIRING LINE ni Robert B. Roque, Jr.
FIRING LINE ni Robert B. Roque, Jr.

Ugnayang magsasaka at supermarkets pinalalakas

KAPURI-PURI ang pagsisikap na ibinubuhos ni Agriculture Secretary Manny Piñol para sa kapakanan ng mga magsasaka.

Sa katunayan ay nagsilbi pa siyang tagapamagitan o tulay kamakailan sa pagtitipon sa pagitan ng mga magsasaka ng sibuyas ng Nueva Ecija at ng pinakamalalaking pangalan sa supermarket at distribusyon ng pagkain.

Hindi biro ang lugar na pinagdausan ng kanilang meeting at hapunan dahil isinagawa ito sa palaruan ng mga milyonaryo na Manila Golf Club sa Forbes Park.

Alalahanin na ang lugar ay exclusive golf club na nakareserba lang sa mayayaman dahil hindi bababa sa P30 milyon ang halaga na binabayaran para maging miyembro rito.

Ang naturang pagtitipon ay isinaayos sa tulong ng Presidential Adviser on Economic Affairs na si Joey Concepcion at Go Negosyo focal person Ginggay Hontiveros. Nagreklamo kasi ang mga magsasaka ng sibuyas na hindi raw sila makapagbenta ng kanilang produkto dahil ang merkado ay binabaha ng mga inangkat na sibuyas na mababa ang presyo.

Kasama ni Piñol sa pagtitipon na ang host ay si dating Congressman Martin Romualdez, miyembro ng Go Negosyo, ang ilang opisyal ng Department of Agriculture (DA).

Ang nagsilbing kinatawan ng mga magsasaka ng sibuyas ay limang opisyal ng asosasyon ng mga magsasaka sa Bongabon, Nueva Ecija na pinangunahan ni board member Rommel Padilla.

Pero ang tunay na mahalaga sa pagtitipong ito, ang pagdalo ng mga kinatawan at opisyal ng naglalakihang mga pamilihan tulad ng SM Supermarkets, Robinsons Group, Puregold, Jollibee, Rustan’s at iba pang higanteng mga puwesto.

Sa loob ng matagal na panahon, ang mga magsasaka at pati na mga mangingisda ay halos walang direktang koneksiyon sa malalaking buyer at umasa lamang sa mga negosyante na nagsilbing middlemen para maibenta ang kanilang mga produkto.

Isa sa mga dahilan nito ay maraming mamimili tulad ng supermarkets ang kadalasang hindi nagbabayad agad sa produkto kapag nai-deliver na ito.

Dahil karamihan ng mga magsasaka at mangingisda ay nabubuhay nang isang kahig, isang tuka, hindi sila makapaghihintay ng 30 hanggang 45 araw na kadalasang inaabot para maiproseso ng mga supermarket ang babayaran.

Sa bahaging ito ay malaki ang maitutulong ng DA at ng mga ahensiya na nasa ilalim nito. Maaari silang maghandog ng financing at revolving fund para sa kanilang mga asosasyon upang makuha agad ng mga magsasaka ang bayad para sa kanilang mga produkto.

Maghintay lang ang mga magsasaka ng prutas at gulay dahil sila naman ang susunod na tutulungan ni Piñol.

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

FIRING LINE – Robert B. Roque, Jr.

About Robert B. Roque, Jr.

Check Also

FIRING LINE ni Robert B. Roque, Jr.

Katotohanan sa likod ng kuwento ni Guo

FIRING LINEni Robert B. Roque, Jr. INAAKALA marahil ni Mayor Alice Guo na nagbibigay siya …

Dragon Lady Amor Virata

Hindi lahat ng huwes ay matino

Isumbong mokay DRAGON LADYni Amor Virata SA HALIP na magkaloob ng hustisya at protektahan ang …

Sipat Mat Vicencio

Tigas ng mukha ni Senator Bato

SIPATni Mat Vicencio “TO Bato dela Rosa, who stuck it out with me to the …

00 Onins Thought Niño Aclan Logo

Cyberlibel vs Tony Leachon ‘resulta’ ng iresponsableng  pahayag sa social media

ONIN’s THOUGHTSni Niño Aclan MAHIRAP talagang masanay na isang social media icon lalo na kung …

YANIG ni Bong Ramos

Former PDEA agent Jonathan Morales, walang masustansiyang sinabi sa Senate hearing, nuknukan ng sinungaling

YANIGni Bong Ramos WALANG NAPALA, walang nahita at walang nakuhang konkreto ang Senado sa mga …

Leave a Reply

Your email address will not be published. Required fields are marked *