Wednesday , October 5 2022

Leni sinibak sa gabinete ni Digong

120516_front

SINIBAK ni Pangulong Rodrigo Duterte si Vice President Leni Robredo bilang miyembro ng kanyang gabinete.

Kinompirma kagabi ni Communications Secretary Martin Andanar na totoo ang inihayag ni Robredo sa kanyang kalatas na inabisohan ang bise presidente sa direktiba ni Pangulong Duterte na huwag na siyang dumalo sa mga pagpupulong ng gabinete simula ngayon, 5 Disyembre.

Kahapon ay sinabi ni Robredo na nakatanggap siya ng text message mula kay Cabinet Secretary Jun Evasco na pinasasabi ni Duterte sa kanya “to desist from attending all cabinet meetings starting this Monday, December 5”  kaya nagpasya siya na magbitiw na sa gabinete.

“Read between the lines,” ani Andanar nang tanungin kung ang text message ay katumbas nang pagsibak ni Duterte kay Robredo bilang housing czar ng kanyang administrasyon.

Sinabi naman ni Presidential Spokesman Ernesto Abella na ipinaalam na kay Pangulong Duterte ang pagbibitiw ni Robredo bilang kasapi ng kanyang opisyal na Pamilya.

Ayon sa ilang political observer, posibleng ang pagbibitiw ni Robredo sa gabinete ay bilang paghahanda sa napaulat na paglarga ng destabilisasyon laban kay Duterte.

Nauna nang isiniwalat ng Pangulo na may impormasyon siya na pinopondohan ng bilyonaryong si George Soros at biyudang Fil-Am na si Loida Nicolas-Lewis ang ikinakasang malawakang demonstrasyon laban sa kanyang gobyerno na ang tuntungan ay isyu ng umano’y extrajudicial killings bunsod ng kanyang drug war.

Anang political observer, nakakita ng butas si Robredo para magbitiw sa gabinete nang ihimlay sa Libingan ng mga Bayani si dating Pangulong Ferdinand Marcos Jr.

Itinatambol umano ng kampo ni Robredo at ng Liberal Party ang anti-Marcos burial issue para ilihis ang atensiyon ng publiko sa pagratsada ng anti-corruption campaign ni Duterte na tiyak na masasapol ang mga tiwaling opisyal ng Aquino administration lalo na’t umiiral na ang Freedom of Information (FOI) sa sangay ng ehekutibo.

Kabado rin aniya si Robredo na baka masilat sa puwesto kapag pinaboran ng Presidential Electoral Tribunal ang election protest ng katunggali niya sa vice presidential race na si dating Sen. Bongbong Marcos.

ni ROSE NOVENARIO

About Rose Novenario

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …

Leave a Reply