Ama nagbigti sa harap ng anak (Misis binugbog)

LAOAG CITY – Inihayag ng mga awtoridad, walang foul pay sa pagkamatay ng isang ama sa Piddig, Ilocos Norte kamakalawa.

Kinilala ang nagpakamatay na si Erol Plaine Dumdum Sr., 43-anyos, at tubong Brgy. Maruaya sa nasabing bayan.

Ayon kay PO3 Joy Agtang ng Piddig-Philippine National Police, kitang-kita ng 2-anyos anak ang pagpapakamatay ng ama na tumalon mula sa puno na may 50 talampakan ang taas habang  nakatali ang leeg.

Walang nagawa ang paslit kundi sumigaw lang para pigilan ang kanyang ama dahil nakaakyat na sa puno ang biktima.