Thursday , September 29 2022

BIR director patay sa ambush, driver sugatan

112216-jonas-amora-bir-ambush
NAKASUBSOB na nalagutan ng hininga sa kanyang kinauupuan si Jonas Amora, BIR Regional Director, nang tambangan ng riding-in-tandem ang sinasakyang SUV sa panulukan ng Katipunan Ave., at Top Site St., Quezon City kahapon ng umaga. Sugatan ang drayber niyang si Angelito Pineda. (ALEX MENDOZA)

PATAY agad ang isang regional director ng Bureau of Internal Revenue (BIR) habang sugatan ang kanyang driver nang tambangan ng riding-in-tandem ang kanilang sasakyan sa Proj 4, Brgy. Escopa, Quezon City kahapon ng madaling araw.

Sa ulat kay Quezon City Police District (QCPD director, Sr. Supt. Guiler Lorenzo T. Eleazar, kinilala ang biktimang si Jonas Amora, 55, BIR Leyte Region 8 director II, residente ng Baker St., Fil-invest East, Antipolo City.

Sugatan si Angelito Pineda, BIR director ng Makati, at residente sa Masikap St., Brgy. Pinyahan, Quezon City.

Napag-alaman, habang minamaneho si Pineda ang Toyota Innova (EBZ 502) dakong 5:02 am at binabagtas ang Katipunan Road galing Antipolo patungong BIR main office sa Quezon City, sinabayan sila ng isang motorsiklo.

Pagdating sa kanto ng Katipunan Avenue at Major Dizon St., Brgy. Escopa 2, pinagbabaril ng mga suspek ang biktima na nakaupo sa passenger’s seat sa harapan.

Samantala, inaalam ng pulisya ang motibo sa pananambang ngunit malinaw na hindi holdap ang pakay ng mga suspek dahil narekober sa loob ng sasakyan ang dalang P300,000 cash ng dalawa.

( ALMAR DANGUILAN )

About Almar Danguilan

Check Also

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Arrest Posas Handcuff

Sa P.6-M shabu
‘ILLEGAL DRUG DEALER’ ARESTADO SA KANKALOO

ISANG hinihinalang tulak ng ilegal na droga ang arestado matapos makuhaan ng mahigit P600,000 milyong …

shabu drug arrest

Tulak na 2 kelot at bebot tiklo sa drug buy bust

TATLONG tulak ng ipinagbabawal na droga ang arestado, kabilang ang isang babae matapos masakote sa …

NBI

Tinapyas na budget ng NBI ibalik, laban vs cybercrimes paigtingin – solon

SA LAYUNING mapaigting ang laban ng bansa kontra insidente ng cybercrimes, kumilos si Senador Win …

Leave a Reply