Wednesday , February 28 2024

Follow-up movie ni Angeline sa Regal, next year na maipalalabas

DAHIL kay Angeline Quinto kaya hindi natuloy ang presscon ng pelikulang Foolish Love noong Martes ng gabi.

Kasama niya sa pelikula sina Tommy Esguerra, Miho Nishida, at Jake Cuenca mula sa direksiyon ni Joel Lamangan na produced ng Regal Entertainment, Inc. at ang ibinigay na dahilan ay maysakit daw ang isa sa cast.

Nakatakda sanang ipalabas sa Nobyembre 30 ang Foolish Love bilang follow-up movie ni Angeline sa Regal na That Thing Called Tanga Na. Pero sa 2017 na raw ipalalabas ang pelikula na ayon mismo sa Regal insider.

Nakapalitan namin ng mensahe si Angeline kahapon at tinanong namin kung bakit hindi natuloy ang presscon ng pelikula nila.

“Hindi pa po kasi ready lahat ate, nanggaling din ako sa taping ng ‘MMK’ (Maalaala Mo Kaya) kanina. And ‘yung theme song po, hindi ko pa po nai-record,” paliwanag ng dalaga sa amin.

Sobrang puyat at pagod sa taping ng MMK kaya hindi na kinayang mag-presscon pa ni Angeline at baka nga naman hindi siya makasagot kung pipilitin niyang dumalo.

Sabi namin kay Angge na baka nagalit sina Mother LilyMonteverdedahil hindi nga matutuloy ang November 30 playdate nila at siyempre nai-book na nila iyon at may schedule na rin ng premiere night.

“Hindi naman po ate Reggee, kasi sila (Mother Lily at Ms Roselle) na rin po ang nag-decide kasi kung sa November 30 po ipalalabas wala po akong masyadong time makapag-promote kasi ang dami ko rin pong gagawin this month,”pangangatwiran ulit sa amin ng singer/actress.

Tinanong namin kung totoong may kissing scene sila ni Jake, pero hindi kami sinagot ng dalaga.

Anyway, kuwento sa amin ng taong malapit sa mag-inang producer na masaya raw ngayon dahil kumita ang The Escort.

“Alam mo sina Mother at Roselle maski hindi kalakihan ang kinita ng mga pelikula nila, masaya na sila roon, let’s say P20-M ang kinita net ‘yun, okay na, hindi na nila hinangad pa ng sobra-sobra, pero kung kumita ng todo-todo, eh, why not, ‘di ba?

“Ang maganda pa sa kanila (Mother Lily at Roselle), marunong silang mag-share sa kita nila.”

In fairness, totoo naman na talagang nagsi-share ang Regal producers sa entertainment press kapag kumikita ang mga pelikula nila.

FACT SHEET – Reggee Bonoan

About Reggee Bonoan

Check Also

Jo Berry Lilet Matias Attorney At Law

Jo Berry pangarap ng amang maging abogado natupad

RATED Rni Rommel Gonzales LITERAL na napaluha kami habang nagbabalik-tanaw si Jo Berry sa napakasaklap na karanasan …

Dominic Roque Bea Alonzo

Hiwalayang Bea at Dominic pinagma-maritesan ng mga socialite

COOL JOE!ni Joe Barrameda HANGGANG ngayon ay palaisipan pa rin sa mga netizen ang biglang …

Angelica Jones Angelo

Angelica Jones sumangguni na sa abogado, ama ng anak idedemanda

NANGINGILID ang luhang ibinahagi ni Angelica Jones na tuloy ang laban sa tatay ng kanyang anak. Sa …

Mutya Orquia Beaver Magtalas Rico Yan Claudine Barretto

Beaver at Mutya tinaguriang Rico Yan at Claudine ng kanilang henerasyon

ni Allan Sancon UNTI-UNTI na talagang gumagawa ng sariling pangalan sa showboz industry ang 18 …

Devon Seron

Devon no time for boys priority ang sarili

MATABILni John Fontanilla ZERO ang lovelife at no time for love ang motto ngayong 2024 …

Leave a Reply

Your email address will not be published. Required fields are marked *