Friday , March 29 2024

Ria, kinilig at sobrang natuwa sa pagkakasama sa OTJ

NAGULAT kami nang makita namin si Ria Atayde sa nakaraang OTJ mini-series launching sa B Hotel noong Martes ng hapon at inisip namin na sinamahan niya ang kapatid niyang si Arjo Atayde bilang isa sa cast.

Kaya lang, kahilerang nakaupo ni Ria ang ibang cast ng OTJ mini-series tulad nina Bela Padilla, Dominic Ochoa, Neil Ryan Sese, Nonoy Froilan, Smokey Manaloto, Teroy Guzman, Jake Macapagal, Leo Martinez, at ‘yung batang kasama sa Patintero na si Nafa Hilario Cruz kaya sumenyas kami kung kasama siya sa show at tumango ang dalaga.

Sinenyasan ulit namin ng, ‘hindi ka nagsasabi, ha.’ At napangiti lang si Ria.

At noong ipakilala na ni Direk Erik Matti si Ria bilang isa sa cast ay nagpasalamat ang kapatid ni Arjo.

“Sa akin sobrang honor na makasama sa project na ito, kasi unang-una si Arjo pa lang ang kasama, so ako, kinilig na ako kasi bata palang kami sobrang idol na namin si direk Erik kasi dapat ididirehe niya ‘yung parang lead film ng mom (Ibyang) ko pero hindi po natuloy ‘yung film na ‘yun kasi nabuntis si mommy kay Arjo.

“So, parang nag-full circle ‘yung career ni mom. so imbes na si mom ang ididirehe ni direk Erik kaming dalawa na lang ni Arjo, its an honor to be working with direk Erik and to be part of something that discusses something that we don’t talk about, something that we don’t really talks about and aside from that its really an honor to be part of something that would definitely change Philippine media because HOOQ, Globe and Reality Entertainment.

“This is the first collaboration of original content so as a new actress like me sobrang nakakikilig, sobrang nakatataba ng puso na my talent is being recognized so, thank you po,” masayang sabi ng baguhang aktres.

Dream na makatrabaho si Direk Erik Matti

Pagkatapos ng launching ng OTJ mini-series na produced ng HOOQ at Globe Studios na ididirehe naman ni Erik Matti at pamamahalaan ni Dondon Monteverde for Reality Entertainment ay biglang nawala si Ria kaya tinext namin kung saan siya nagpunta at binanggit na hinihintay siya ng bunsong kapatid na si Xavi dahil may event daw sa school nito.

At nagpakuwento kami kung paano siya napasama sa OTJ mini-series.

“Ha ha ha hi tita, surprise noh? Anyway, ganito po kasi ‘yun. ‘Yung GM (general manager) ng Reality Entertainment was my batchmate in DLSU (De La Salle University), same course.

“Tapos nag-message siya sa akin sa Facebook about Direk Erik wanting to meet Arjo to discuss a role.

“So ako, super kilig for Arjo kasi nga, direk Erik ‘yun, OMG!  ‘OTJ’ (the movie) favorite namin ‘yun, eh. Tapos siguro, two weeks after, tinext niya (GM) ako na gusto rin ako i-meet para i-cast, so I referred her to my handler, tita Cris Navarro (Star Magic) and here we are now.

“To be working with Arjo, honestly tita, sa tingin ko, hindi kami magkaka-eksena since different worlds/storylines kami, but for the both of us to be in the same show is already super nice for me.

“Ang sarap sa pakiramdam na kahit paano, slowly but surely, naabot na namin ‘yung mga pangarap namin,” masayang kuwento ng dalaga.

Natupad na ang pangarap ng magkapatid na Arjo at Ria na magkasama sila sa show, pero ang kasama rin ang nanay nilang si Sylvia Sanchez, ay hindi pa nangyayari.

Sina Arjo at Ibyang lang ang nagkatrabaho na sa Pure Love at si Ria ay nakasama ang ina sa Ningning ni Jana Agoncillo noong isang taon.

Sabi ni Ria, ”okay lang po na wala si mommy for now, nagkatrabaho na kami and same with Arjo. So time naman namin ni Arjo, ha, ha, ha. Alam ko naman po na someday, matutupad ‘yung pangarap naming tatlo.”

Si Karen Salas na anak ng protagonist na si Sisoy Salas na gagampanan naman ni Teroy Guzman ang karakter ni Ria.

“Teacher po ako rito and since namatay ang nanay naming tatlong magkakapatid at busy parati ‘yung daddy namin, ako ang tumayong head of of the house, in charge sa groceries, pagtulong sa mga kapatid ko, sa pagba-budget at sa pag-aasikaso sa bahay, basically,” kuwento ng dalaga.

Samantala, sa susunod na linggo na raw ang taping ng OTJ mini-series dahil nagkaroon na ng storycon at script reading ang buong cast noong Miyerkoles.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *