Sunday , September 25 2022
Sipat Mat Vicencio

Epal si Grace Poe sa Marcos burial

MAKASAWSAW lang itong si Sen. Grace Poe sa usapin ng Marcos burial, kung ano-ano na ang pinagsasabi kahit wala namang kawawaan. Epal na epal ang dating at halatang media milage lang ang habol nitong si Grace.

At kailan pa naging abogado itong si Grace, aber?  Hindi kasi totoo ang sinasabi ni Grace na may conflict of law kung sakaling matuloy ang paglilibing kay Pangulong Ferdinand Marcos sa Libingan ng mga Bayani (LNMB).

Ang linaw ng naging desisyon ng Supreme Court nang ibasura ang pitong petisyon na naglalayong itigil ang paglilibing kay Marcos sa LNMB.

Sinasabi sa desisyon na si Marcos ay dating pangulo, isang sundalo, at ang pagpapatalsik sa kanya sa pamamagitan ng people power ay hindi batayan para hindi ituloy ang Marcos burial.

E, ano ang pinagsasabi nitong si Grace na hindi maaaring ilibing si Marcos sa LNMB dahil sa maraming ginawang paglabag sa karapatang pantao noong panahon ng Martial Law? Ano ang kaugnayan ng inilulutang na punto ni Grace sa naging desisyon ng SC?

Nasaan ‘yung sinasabi ni Grace na conflict with the law?

Kung hindi naman kasi abogado si Grace, hindi dapat na siya’y nagsasalita kung wala naman siyang malinaw na argumento lalo na kung hindi naman din siya biktima ng Martial Law.

At nasaan ba si Grace noong panahon na halos lahat tayo ay nakikibaka para sa isang tunay na kalayaan sa ilalim ng rehimeng Marcos? Nakahihiya itong si Grace, dahil malamang nasa malamig siyang kuwarto, nasa malambot na higaan, nagdidildil ng hamon at namamapak ng ubas.

Kung tutuusin, iniwan ni Grace ang mga ipinaglaban ng kanyang amang si Fernando Poe Jr. At kung hindi niya alam, maituturing na last man standing si FPJ noong kasagsagan ng People Power I na inilunsad ng mga dilawan.

Si FPJ kasi ay nagtungo mismo sa Malacañang at inialok niya ang kanyang tulong sa pamilyang Marcos sa gitna ng mga kilos-protesta sa Kamaynilaan. Pero pinili  na lamang ng pamilyang Marcos na pauwiin si FPJ at baka mapahamak pa dahil sa nangyayaring malaking demonstrasyon sa Mendiola.

At hindi ba’t si FPJ rin ang humarap sa mga dilawan sa munisipyo ng San Juan nang pinatatalsik na si Erap bilang Mayor? Mahal ni FPJ ang pamilyang Marcos at nakapagtataka kung bakit kabaligtaran ngayon ang ikinikilos nitong si Grace sa mga naging laban ng kanyang amang si FPJ.

Baka nakalimutan na rin ni Grace nang magtungo siya sa Ilocos Norte noong nakaraang eleksiyon para kunin ang suporta ng mga Ilokano at pamilyang Marcos, may paiyak-iyak pa siya sa harap ni Imee?

Anong atraso ng pamilyang Marcos kay Grace? Sabi nga mismo ni FPJ… Inumpisan mo, tatapusin ko!

SIPAT – Mat Vicencio

About Mat Vicencio

Check Also

FIRING LINE ni Robert B. Roque, Jr.

Bagong director, bagong imahen ng NBI, tama?

FIRING LINEni Robert B. Roque, Jr. KAPWA may espesyal na pagkakakilanlan sina Energy Secretary Raphael …

AKSYON AGAD ni Almar Danguilan

Pagdukot, pagpapatubos sa mga Tsinoy, lumala na naman?

AKSYON AGADni Almar Danguilan NAKAPAPANGAMBA ang ulat ng Philippine Chinese Chamber of Commerce and Industry, …

Dragon Lady Amor Virata

Food crisis nakaamba, paano na ang Pinoy?

Isumbong mokay DRAGON LADYni Amor Virata KUNG sakaling magkaroon ng food crisis sa darating na …

YANIG ni Bong Ramos

Mga pulis sa Blumentritt  Detachment, tunay  na mga trabahador

YANIGni Bong Ramos KUNG may patimpalak o ‘di kaya’y kompetisyon para sa best police detachment …

ULINIG ni Randy V. Datu

Sa dumaraming imported frozen
AGRI-PRODUCTS MULA CHINA, ATBP PAMILIHAN, LIGTAS NGA BA?

ULINIGni Randy V. Datu MULA nang isulat ko ang column na Ulinig sa respetado at …

Leave a Reply