Thursday , October 6 2022
Bulabugin ni Jerry Yap
Bulabugin ni Jerry Yap

Mag-ingat sa magdyowang KC Cobico at LJ Perea huwag ipagkatiwala ang inyong kuwarta

HUMINGI ng tulong sa inyong lingkod ang ilang overseas Filipino workers (OFWs) na nasa Abu Dhabi dahil naloko at nalansi sila ng magdyowang KC Cobico at LJ Perea.

‘Yung KC Cobico umano ay taga-Santa Maria, Pangasinan.

Hindi natin alam kung gaano katamis ang dila nitong KC at naeng-ganyo niyang ipagkatiwala sa kanya ng mga kasama sa trabaho ang kanilang perang pinagpaguran.

Pero pagkahawak na pagkahawak umano sa pera ay bigla nang lumipad pauwi rito sa Filipinas.

Hanggang sa kasalukuyan umano ay hindi pa bumabalik sa Abu Dhabi.

Ang style umano nitong si Cobico, manghihiram ng pera sa kanila dahil may emergency umano siya. Naibabalik naman umano ang pera kahit gaano pa kalaki ang halaga kaya nagtiwala sila nang husto.

110816-money-protest

Pero nitong bago umuwi ng Filipinas, nag-one-time-bigtime. Inutangan ang kanyang mga kasama sa trabaho at ‘yun na, biglang umuwi sa Filipinas.

Heto ngayon, akala ng mga kasama sa trabaho ay naroon pa sa Abu Dhabi ang syotang lalaki na si LJ Perea pero kamakalawa lang ay natuklasang wala na rin pala at nakabalik na nga rito sa Filipinas.

Masamang-masama ang loob ng mga kababayan nating OFWs dahil ang perang ipinautang nila ay pinaghirapan nila.

Malaking bagay para sa kanila ang ipinagkatiwala nilang kuwarta.

Payo po natin sa mga kamag-anak ng mga naloko nitong sina Cobico at Perea, ipagharap ninyo ng reklamo ang dalawang ‘yan.

Puwede po ninyong ireklamo sa National Bureau of Investigation (NBI) at ipa-watchlist sa Department of Justice (DoJ) para ma-monitor ang kilos nina Cobico at Perea

Sa mga kababayan natin diyan sa UAE, mag-ingat po kayo sa mga kagaya nina Cobico at Perea.

KIDNAPPING SIGURADONG
NAGAGANAP NGAYON

092116-kidnap

Kamakailan ay nagsalita si Pangulong Rodrigo “Digong” Duterte na may nagaganap na kidnapping sa Binondo, Maynila.

Itinanggi ito ng ilang opisyal ng Philippine National Police (PNP).

Pero nanindigan ang Pangulo, mayroong nagaganap na kidnapping.

Naniniwala po tayo riyan.

Isang kakilala nating taga-CAMANAVA ang nakaranas nito.

May kumatok sa kanyang tanggapan, nagpakilalang mga pulis at nagsilbi umano ng warrant of arrest.

Habang nakikipag-usap siya, nakita niya ang mga papasok na armadong kalalakihan. Mabilis niyang hinubad ang kanyang mga alahas at naitabi.

Pero hindi siya pinaligtas ng mga armadong lalaki, binitbit siya at dinala.

Isinakay sa isang tinted na sasakyan, idinaan at pinaikot-ikot kung saan-saan hanggang mamalayan niyang nasa Camp Crame na sila.

Agad tinawagan ng mga armadong lalaki ang asawa ng biktima at pinagpo-produce ng P5 milyon.

Kung hindi pa sa panghihimasok ng isang mambabatas, hindi pa pawawalan ng mga ‘dumukot’ ang biktima.

Kapag nabasa ito ng mga kinauukulan, malamang ang una nilang gawin ay padalhan tayo ng sulat at imbitahan sa kanilang tanggapan.

Pero nakikiusap ang inyong lingkod na huwag ninyong gawin iyon dahil hindi ako sasama.

Paganahin po ninyo ang intelligence network ninyo para malaman ninyo kung sino ang nasa likod ng ganyang uri ng kidnapping.

Huwag na po ninyong palalain pa ang situwasyon. Kumilos agad kayo!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Mga kakaibang pangyayari sa PCSO at BIR

FIRING LINEni Robert B. Roque, Jr. ANG statistical probability na matsambahan ang kombinasyon ng mga …

AKSYON AGAD ni Almar Danguilan

5-minuto responde, posible ba?

AKSYON AGADni Almar Danguilan LIMANG MINUTO, oo kinakailangan sa loob ng limang minuto ay nakapagresponde …

Dragon Lady Amor Virata

Mga tatay na walang sustento sa inabandonang anak, mananagot

Isumbong mokay DRAGON LADYni Amor Virata LAGOT ang mga ama ng sanggol na isinilang ng …

Sipat Mat Vicencio

Sobrang yabang ni Senator Tol

SIPATni Mat Vicencio KUNG TUTUUSIN, halos dalawa at kalahating taon pa bago ang nakatakdang midterm …

ULINIG ni Randy V. Datu

Kabayaran ng katigasan ng ulo sa panahon ng kalamidad

ULINIGni Randy V. Datu MAPAGPALANG ARAW sa ating lahat. Ating naulinigan na maaliwalas na ang …

Leave a Reply